ارمنیستاندا سرژ سرکیسیان‌ه اعتراض گؤستری‌لری داوام ائدیر
نوماییشچی‌لره قارشی ارمنیستان پولیسی‌نین مداخیله‌سی گئتدیکجه شیدته گئدیر
ارمنیستاندا آوریلین 17-ده پارلامنتده کئچیریلن سس وئرمه باش ناظیر سئچیلن سرژ سرکیسیان‌ی اعتراض گؤستری‌لری داوام ائدیر.
نوماییشچی‌لره قارشی ارمنیستان پولیسی‌نین مداخیله‌سی گئتدیکجه شیدته گئدیر.
سون 2 گونده 300ون اوزرینده اعتیراضچی توتولوب.
10-جی ایل پرزیدنتلیک ائتدیک‌دن سونرا باش ناظیر اولان سرژ سرکیسیانا آنایاسادا دییشیک‌لیک‌لر ائدیله‌رک، پرزیدنتین‌دن داها چوخ مسئولیت‌لر وئریلمه‌سی اعتراض‌لارا سبب اولوب.
آعتراض‌لار هر کئچن گون آرتارکن باش ناظیر سرکیسیان، اعتیراضچی‌لارین لیدری موخالیفتچی میللت وکیلی نیکول پاشینیان ایله بازار گونو بیر آرایا گلدی.
سرکیسیان اؤزونو ایستعفایا دعوت ائدن پاشینیانی شانتاژ ائتمکله گوناهلاندیردی.
گؤروشو قیسا مدت سونرا ترک ائدیب.
نتیجه‌سیز قالان گؤروشمه‌دن سونرا موخالیفت لیدری پاشینیان و 2 میللت وکیلی توتوخلانیلیب.
پاشینیانین وضعیتی حاقیندا هله کی، معلومات وئرمزکن، موخالیفت پارتی‌لری سرکیسیان گئری آددیم آتمایانا قدر آعتراض‌لارا داوام ائتمه چاغیریشی ائتدی.
میدان‌لاری دولدوران گؤستریچی‌لر، پایتخت ایروان‌دا یول‌لاری دا باغلادی.
ارمنیستاندا کئچمیش دولت باشقانی سرژ سرکیسیانین باش ناظیر اولماسینی انگللمک اوچون باشلایان و سرکیسیان باش ناظیر سئچیلدیک‌دن سونرا داوام ائدن اعتراضاعتراض‌لارینا عسگرلر ده قاتیلدی.
