29-جی عرب بیرلیگی ایجلا‌سی باشلاییب

عرب بیرلیگی باش کاتیبی احمد ابو الغیط طرفین‌دن دعوت ائدیلن قطر امیری شیخ تمیم بن حمد آل ثانی، ایجلاسا قاتیلمادی

29-جی عرب بیرلیگی ایجلا‌سی باشلاییب

سعودی عربیستانی‌نین ائو صاحب‌لیگی ائتدیگی 29-جی عرب بیرلیگی ایجلا‌سی، 15 اؤلکه‌نین دولت باشقانلاری‌نین قاتیلیمی ایله باشلاییب.

سعودی عربیستانی‌نین شرق بؤلگه‌سینده یئر آلان زاهران شهرین‌دکی کرال عبدالعزیز مدنیت مرکزینده کئچیریلن 29-جی عرب بیرلیگی ایجلا‌سیندا، فیلیسطین دعواسی‌نین یانیندا، سوریه، لبنان و یمن‌دکی بحران‌لارا دایر سون ایرلیلییش‌لر ایله ایرانین عرب اؤلکه‌لری‌نین ایچ ایشلرینه موداخیله‌لری مذاکیره اولونا‌جاق.

سعودی عربیستانی کرا‌لی سالمان بن عبدالعزیز، ایجلاس باشلامازدان اوّل سوسیال مئدیا اوزرین‌دن ائتدیگی آچیقلامادا، اؤلکه‌سی‌نین قارداش عرب لیدرلرین توپلانتی‌سینا ائو صاحب‌لیگی ائتمه‌سین‌دن دولایی سئوینج دویدوغونو بیلدیریب.

کرال سالمان، سؤز قونوسو ایجلاسدا هر جور چتین‌لیک‌لرله باشا چیخیلماسی اوچون صمیمی نیت و تلاش‌لارین بیر آرایا گله‌جگی‌نین وورغولاییب.

ایجلاسا ائو صاحب‌لیگی ائدن کرال سلمان هابئله سوما‌لی پرزیدنتی محمد عبدالله فرماکو، میصر پرزیدنتی عبدالفتاح السیسی، عراق پرزیدنتی فواد معصوم، کومور آدا‌لاری پرزیدنتی غزا‌لی عثمانلی ایمپریا، تونیس پرزیدنتی الباجی قائد السیبسی، فیلیسطین دولت باشقانی محمود عباس، یمن پرزیدنتی عبدالربو منصور هادی، سودان پرزیدنتی عمر البشیر، لبنان پرزیدنتی میشل عوون، ماوریتانیا پرزیدنتی محمد ولد عبدالعزیز، کویت امیری شیخ صاباح آل احمد آل جابیر الصباح، جیبوتی پرزیدنتی ایسماعیل عمر گوئله، اوردون کرا‌لی 2-جی عبدالله ایله بحرین کرا‌لی حامد بن عیسی آل خلیفه قاتیلیب.

عرب دونیاسین‌داکی بیر چوخ موضوعنون موذاکیره اولوناجاغی 29-جی عرب بیرلیگی ایجلا‌سینه همچینین، ایسلام امکداش‌لیق تشکیلاتی‌نین باش کاتیبی یوسیف بن احمد ایله بیرلیکده بیرلشمیش میللت‌لر تشکیلاتی باش کاتیبی آنتونیو گوترز، آوروپا بیرلیگی خاریجی ایشلر و امنیت سیاستی عالی نماینده‌سی فدریکا موگرینی و عرب پارلامنتی باشقانی مشال السلمی‌نین ده قاتیلاجاغی گؤزلنیلیر.

عرب بیرلیگی باش کاتیبی احمد ابو الغیظ طرفین‌دن دعوت ائدیلن قطر امیری شیخ تمیم بن حمد آل ثانی، ایجلاسا قاتیلمادی.



ایلگیلی‌لی خبرلر