"تهران دا صادق قالاجاق"

دونالد ترامپین بو گونلرده نوکلئر آنلاشما ایله باغلی قرارینی آچیقلاماسی گؤزلنیلیر

"تهران دا صادق قالاجاق"

ایران خاریجی ایشلر باخانی محمد جواد ظریف، آمریکانین نوکلئر آنلاشما‌لارا صادق قالماسی حالین‌دا تهرانین دا قالاجاغینی بیلدیردی.

خاریجی ایشلر باخانی ظریف، دونن بلژیکینباشکندی بروکسل‌ده آوروپا بیرلیگی خاریجی ایلیشکی‌لر و گوونلیک سیاستی یوکسک نماینده‌سی فدریکا موگرینی، فرانسا خاریجی ایشلر باخانی ژان ایو لو دریان، آلمانیا خاریجی ایشلر باخانی زیگمار گابریل و بؤیوک بریتانیا خاریجی ایشلر باخانی بوریس جونسونلا دوزنله‌دیگی توپلانتینین آردیندان ایران دؤولت تلویزیونونا دانیشدی.

ظریف،

"آوروپا بیرلیگینین ۳ اؤلکه‌سی و سایین موگرینی، ایرانین نوکلئر آنلاشما‌دن گرچکلشن حاقلارینین محفوظ اولدوغونو وورغولادیلار" دئدی.

نوکلئر آنلاشما‌نین ماده‌لرین‌ده هر هانسی بیر دییشیکلیین قبول ائدیله‌بیلمه‌یه‌جگینی وورغولایان ظریف،

"دانیشیقلاردا نوکلئر آنلاشما‌نین ماده‌لرین‌ده هر هانسی بیر دییشیک‌لییه گئتمه‌نین سؤز قونوسو اولمادیغی باره‌ده اورتاق گؤروش سرگیلندی. آمریکا نوکلئر آنلاشما‌لارا صادق قالارسا ایران دا قالاجاق‌دیر" دئدی.

توپلانتی سونراسی دانیشان موگرینی، ایرانین نوکلئر آنلاشما‌یا صادق قالدیغینی و آوروپابیرلیگینین آنلاشمانین قورونماسی مسئله‌سین‌ده قرارلی اولدوغونو بیلدیرمیشدی.

دونالد ترامپین بو گونلرده نوکلئر آنلاشما ایله باغلی قرارینی آچیقلاماسی گؤزلنیلیر.


اتیکتلر: آمریکا , ظریف

ایلگیلی‌لی خبرلر