"سوریه‌ داعشدن تامامیله تمیزلندی"

گراسیموو، عراق‌دا داعشه قارشی آپاریلان عملیاتلاردا دا آمریکایا دستک وئرمه‌یه حاضر اولدوقلارینی قید ائتدی

"سوریه‌ داعشدن تامامیله تمیزلندی"

روسیا باش قرارگاه رئیسی والری گراسیموو، سوریه‌نین داعشدن تامامیله تمیزلندیگینی ادعا ائتدی.

گراسیموو، موسکوادا وئردیگی آچیقلامادا، سوریه‌ده داعش کنترلوندا اولان هئچ بیر بؤلگه‌نین قالمادیغینی سؤیله‌دی.

سوریه اوردوسو طرفین‌دن گئچیریلن سون عملیاتلارین اوغورلا باشا چاتدیغینی دئیه‌ن گراسیموو،

"بئله‌لیکله، بو گون (دونن) اعتباریله، سوریه داعشدن تامامیله تمیزلندی و سوریه‌ده‌کی داعش‌لی بوتون بیریملر یوخ ائدیلدی" دئیه دانیشدی.

گراسیموو، عراق‌دا داعشه قارشی آپاریلان عملیاتلاردا دا آمریکایا دستک وئرمه‌یه حاضر اولدوقلارینی قید ائتدی.

روسیا پرزیدنتی ولادیمیر پوتین ده دونن وئردیگی آچیقلامادا، فرات چایینین دوغوسوندا و باتیسیندا اوغورلو عملیاتلارین آپاریلدیغینی ادعا ائد‌رک،

"آرتیق روسیا، تورکیه و ایران آراسین‌دا سوچی‌ده اوزرین‌ده آنلاشیلان سوریه میلی دیالوگ کنگره‌سینه اوداقلانماق لازیم‌دیر" ایفاده‌لرینی ایشلتمیشدی.



ایلگیلی‌لی خبرلر