پوتین: نامیزد اولاجاغام

سئچیملر، قیریمین روسیا طرفین‌دن الحاقینین ایل دؤنومو اولان ۱۸ مارس ۲۰۱۸ده گئچیریله‌جک

پوتین: نامیزد اولاجاغام

روسییا پرزیدنتی ولادیمیر پوتین، ۲۰۱۸ده دوزنله‌نه‌جک دؤولت باشقانی سئچیمیلرین‌ده نامیزد اولاجاغینی آچیقلادی.

پوتین، روسییانین نیژنی نووگورود شهرین‌ده وئردیگی آچیقلامادا،

"گلن ایل دوزنله‌نه‌جک سئچیملرده نامیزد اولاجاغام" دئدی.

سئچیملر، قیریمین روسیا طرفین‌دن الحاقینین ایل دؤنومو اولان ۱۸ مارس ۲۰۱۸ده گئچیریله‌جک.

آنالیستلرین وئردیگی یوروملاردا، پوتینین یئرینی قورویاجاغینا کسین گؤزویله باخیلیر.

روس قامواویو وقفی طرفین‌دن قیسا مدت اول نتیجه‌لری یاییملانان سورغویا گؤره، روس خالقینین یوزده ۶۸ی سئچیملرده پوتینه سس وئرمه‌یی پلانلاشدیریر.

سورغونون نتیجه‌لرینه گؤره، پوتینین سئچیمرده‌کی اولاسی ان یاخین رقیبلری ایسه یوزده ۷لیک اویلا روسیا لیبرال دموکرات پارتی باشقانی ولادیمیر ژیرینووسکی و یوزده ۴لوک اویلا کمونیست پارتیسینین لیدئری گئنادی زیوگانوو.

روسیادا پوتینین ان اؤنملی رقیبلرین‌دن بیری حساب ائدیله‌ن موخالیف آکتیویست و "مالی فسادا قارشی مباریزه فوندو" قوروجوسو آلکسی ناوالنیی ایسه، حاقین‌دا آچیلان شکایتلره گؤره روس یئتکیلیلرین قارشی چیخماسینا باخمایاراق باشقانلیق سئچیملرین‌ده نامیزد اولاجاغینی آچیقلامیشدی.



ایلگیلی‌لی خبرلر