صنعادا، کوالیسیون گوجلرینه عاید اوچاق‌لار پرزیدنت سارایینی بومبالادی

تجروبه شاهیدلرین‌دن آلینان معلوماتا گؤره، کوالیسیون گوجلرینه عاید اوچاق‌لار،صعنانین التحریر محله‌سینده، پرزیدنت سارایی‌نین دا آرا‌لاریندا اولدوغو حوثیلره عاید سنگر‌لره چوخلو هاوا سالدیری‌لاری تشکیل ائتدی

صنعادا، کوالیسیون گوجلرینه عاید اوچاق‌لار پرزیدنت سارایینی بومبالادی

یمن‌ین پایتختی صنعادا، سعودی عربیستانی رهبرلیگی آلتین‌داکی کوالیسیون گوجلرینه عایید اوچاق‌لار، پرزیدنت سارایینی بومبالادی.

تجروبه شاهیدلرین‌دن آلینان معلوماتا گؤره، کوالیسیون گوجلرینه عاید اوچاق‌لار،صعنانین التحریر محله‌سینده، پرزیدنت سارایی‌نین دا آرا‌لاریندا اولدوغو حوثیلره عاید سنگر‌لره چوخلو هاوا سالدیری‌لاری تشکیل ائتدی.

شاهیدلر، کوالیسیون گوجلری‌نین ایلک دفعه بومبالادیغی جمهورباشقان‌لیغی سارایینا 8 هاوا سالدیریسی حیاتا کئچیریلدیگینی، شیدت‌لی سالدیری‌لار سببیله اطراف ایش یئرلرینده آغیر ضرر میدانا گلدیگینی ایفاده ائدیب.

کوالیسیون گوجلری‌نین آیریجا صنعانین جنوبون‌داکی پرزیدنت ایقامتگاهینا 6 دفعه، پایتخت‌ین مرکزین‌دکی پولیس کولژی و پولیس مامورلاری کلوبونا دا ایکی دفعه هاوا سالدیریسی تشکیل ائتدیگی بیلدیریلیب.

بو آرادا حوثیلرین، کئچمیش یمن پرزیدنتی علی عبدالله صالحه صادق گوجلرله توققوشدوغو پایتخت‌ین جنوبون‌داکی الحی السیاسی‌ده نظارتی تامامیله اله کئچیردیگی بیلدیریلدی.

شاهیدلرین سؤزلرینه گؤره، کئچمیش پرزیدنت صالحین اؤلدورولدوگونون تصدیقلنمه‌سی‌نین آردین‌دان حوثیلرین الحی ااسیاسی‌ده نظارتی اله کئچیردیگینی وبؤلگه‌دکی موناقیشه‌لرین دایاندیغینی ایفاده ائتدی.

شاهیدلر، الحی السیاسی‌دکی خیابان و کوچه گیریش‌لرینه زیرئه‌لی ماشین و تانک‌لارین یئرلشدیریلدیگینی بیلدیریب.

صالح طرفداری گوجلردن نیظامی بیر مسئول ده صالحین قارداشی اوغلو ژنرال-مایور طاریق محمد عبدالله صالح‌دن هله خبر آلینمادیغینی ایفاده ائدیب.



ایلگیلی‌لی خبرلر