رقّه شهرینده داعش ایله پ.ی.د-نین گیزلی آنلاشماسی اورتایا چیخدی

اینگیلیس نشر اورقانی بی.بی.سی، داعش منسوب 250 ترورچو ایله عائله‌لری‌نین، آمریکا دستک‌لی بؤلوچو ترور تشکیلاتی پ.ک.ک/پ.ی.د/ی.پ.گ-نین بیرگه عملیاتی، رقّه‌دن اعتبارلی بیر شکیلده تخلیه ائدیلدیگینی اورتایا قویدو

رقّه شهرینده داعش ایله  پ.ی.د-نین گیزلی آنلاشماسی اورتایا چیخدی

سوریه‌نین رقّه شهریندکی کیرلی سیرلری، داعش منسوب ترورچولارین تخلیه‌سی اوچون بؤلوچو ترور تشکیلاتی پ.ک.ک-نین بؤلگه‌دکی قولو پ.ی.د ایله آپاریلان گیزلی آنلاشما اوزه چیخاردی.

اینگیلیس نشر اورقانی بی.بی.سی، داعش منسوب 250 ترورچو ایله عائله‌لری‌نین، آمریکا دستک‌لی بؤلوچو ترور تشکیلاتی پ.ک.ک/پ.ی.د/ی.پ.گ-نین بیرگه عملیاتی، رقّه‌دن اعتبارلی بیر شکیلده تخلیه ائدیلدیگینی اورتایا قویدو.

بی.بی.سی موخبیرلری قوئنتین سومرویل و ریام دالاتی‌نین خبره گؤره، تخلیه‌لر، پ.ی.د/ی.پ.گ-نین رقّه‌نی داعشین الین‌دن آلدیغی اؤتن آی باش وئردی.

تخلیه ائدیلن داعش نماینده‌لری آراسیندا، تشکیلاتین اؤنده گلن ترورچولاری‌نین یاناشی، چوخسای‌لی خاریجی تروریست ده واردی.

تخلیه ائدیلن داعش منسوبی 250 ترورچو، رقّه‌نین آمریکا دستک‌لی (پ.ک.ک/پ.ی.د/ی.پ.گ) ترورچولار طرفین‌دن اله کئچیریلمه‌سین‌دن اوّل، یوزلرله آراچیلیک کونوویلا شهردن آیریلان و چوخو داعش‌لی تروریستلرین عایله‌لریندن عبارت 4 مین نفر آراسیندا یئر آلیردی.

بی.بی.سی-نین خبرینه گؤره اونلارجا خاریجی داعش منسوب ترورچو ده سیلاح و مهمات یوکلنمیش 10 یوک ماشینییلا رقّه‌دن آیریلیب. خبرده یوک ماشینی سوروجوسو ابو فوزی و یولداش‌لاری‌نین شاهیدلرینه یئر وئریلیب.

سوروجولر، 12 اوکتوبردا پ.ک.ک/ی.پ.گ-نین اؤزلرین‌دن، فرات چایی ساحلین‌دکی تابکا شهرینده ساواش‌دان قاچان سیویل عائله‌لری شمال‌داکی بیر دوشرگه‌یه آپارما‌لارینی ایستدیگینی سؤیله‌دی.

آنجاق کونووی بیر آرایا گلنده یوک ماشین‌لاردا سیویل عائله‌لر یئرینه داعش منسوب ترورچولار، اونلارین عائله‌لری و تون‌لارلا سیلاح ایله مهمات اولدوغو اورتایا چیخدی.

سوروجو ابو فوزی و دوست‌لارینا گیزلی ساخلاما‌لاری ایستنیلن بو عملیات اوچون ده مین‌لرله دو‌لار اؤدنجگی وعده‌سی وئریلیب.

بو سایه‌ده، یوزلرله ترورچونون (داعش) قاچماسی تامین ائدن رقّه‌یه، آمریکانین دستکلدیگی ترورچولار (پ.ک.ک/پ.ی.د/ی.پ.گ) یئرلشدی.



ایلگیلی‌لی خبرلر