"جمهور باشقانی اردوغان و تورک عسگرینه چوخ تشککور ائدیریک"

حاتای-ین یایلاداغی و ریحانلی قصبه‌سیندن گیریش فعالیت‌لری‌نین باشلاندیغی اوکتبر آییندا 3 مین 700 نفر اؤلکه‌سینه قاییتدی.

"جمهور باشقانی اردوغان و تورک عسگرینه چوخ تشککور ائدیریک"

تورکیه سیلاحلی قوه‌لری‌نین سوریه-نین ادلیب شهرینده گرگینلیگین آزالدیلاجاغی بؤلگه‌ده یئرلشدیریلمه‌سی پروسه‌سی داوام ائدرکن، شهرین سرحد قونشوسو اولان تورکیه‌نین حاتای شهرینده یاشایان ادلیب‌لی‌لردن اؤلکه‌لرینه قایی‌دان‌لار اولور.

حاتای-ین یایلاداغی و ریحانلی قصبه‌سیندن گیریش فعالیت‌لری‌نین باشلاندیغی اوکتبر آییندا 3 مین 700 نفر اؤلکه‌سینه قاییتدی. بو رقم نوامبر آیی‌نین ایلک هفته‌سینده ایسه 900- و اؤتدو.

یان‌لاریندا گؤتوردوک‌لری بیر نئچه اشیا ایله حاتای‌داکی گئری گؤندرمه مرکزلرینه گلن سوریه-لیلر اوردا کئچیریلن یوخلاما‌دان سونرا اؤلکه‌لرینه گئدیرلر.

ادلیبه باغلی بیر کند‌دن 3،5 ایل اول تورکیه‌یه گلن 55 یاشینداکی محمد کئیها بورادا اؤز ایمکان‌لاری ایله کیرایه گؤتوردوک‌لری ائوده یاشادیق‌لارینی سؤیله‌‌دی.

موناقیشه‌سیز بؤلگه سازیشی و تورک عسگری‌نین ادلیبه گئتمه‌سیله علاقه‌لی آدیم‌لاری یاخین‌دان تعقیب ائتدیگینی بیل‌دیرن کئیها دئدی کی، مثبت آدیم‌لار نتیجه‌سینده 2 اوشاغیم و یولداشیملا اؤلکمه قاییتما قرارینا گلدیم. اومید ائدیرم کی، تورک عسگری اوردا اوغورلو اولار. بیز تورکیه-نی هر زامان ایکینجی وطن کیمی گؤرجییک.

سوریه-نین ادلیب شهر مرکزیندن گلن 27 یاشین‌داکی احمد مصطفی جمیل ده 2 ایلدیر تورکیه‌ده یاشادیغینی سؤیله‌دی.  

تورک عسگری‌نین ادلیبه گئتمه‌سینه چوخ سویندیک‌لرینی دئین جمیل بیلدیردی کی، تورک عسگری اورادا تهلوکه‌سیزلیگی تامین ائدیر. من ده بو سبب‌دن اؤلکمه قاییدیرام. جمهور باشقانی رجب طیب اردوغان و تورک عسگرینه چوخ تشککور ائدیریک.



ایلگیلی‌لی خبرلر