ظریف: اوتانج وئریجی آچیقلاما

"یوردلارینی ترور هؤرگوتو داعشه قارشی مدافعه ائتمک اوچون سلاحا ساریلان عراق‌لی‌لار هانسی اؤلکه‌یه قاییدا‌جاق‌لار گؤره‌سن؟"

ظریف: اوتانج وئریجی آچیقلاما

آمریکا خاریجی ایشلر باخانی رکس تیلرسونون ایران دستک‌لی سلاح‌لی حشد شعبی قروپونون عراق‌دان چکیلمه‌سی لازیم اولدوغو آچیقلاماسینا تهراندان چاواب گلدی.

ایران خاریجی ایشلر باخانی جواد ظریف، تیلرسونون بو سؤزلری عربیستانین تأثیری آلتیندا سؤیلدیگینی بیلدیردی.

سوسیال مئدیا اوزرین‌دن تیلرسونو تنقید ائدن ظریف،

"یوردلارینی ترور هؤرگوتو داعشه قارشی مدافعه ائتمک اوچون سلاحا ساریلان عراق‌لی‌لار هانسی اؤلکه‌یه قاییدا‌جاق‌لار گؤره‌سن؟ بو آمریکا‌نین نفت-دولار تأثیریله ائتمیش اولدوغو اوتانج وئریجی آچیقلاما" دئدی.

عراق باشباخانی حیدر العبادی ایسه رکس تیلرسونون "ایرانلی میلیس‌لر و خاریجی ساواشچیلار عراق تورپاق‌لارینی ترک ائتسین" آچیقلاماسینا گؤستردیگی سرت تپکیده،

"هیچ کیمسه‌نین عراقین ایچ ایشلرینه قاریشماق حاقی یوخ‌دور" دئدی.

بو آرادا، عراق باشباخانی حیدر العبادی کرکوکده ائتنیک و مذهبی سیمگه و بایراق‌لارین آسیلماسینی قاداغان ائتدی.

کرکوک والیلیگی بیناسی اوزرینده حشد شعبی گوجلری طرفین‌دن یازیلان شعار‌لار، عراک بایراغی شکلینده بویانا‌راق قاپادیلدی.

کرکوک قالاسینا دا ایللر سونرا یئنی‌دن عراق بایراغی آسیلدی.



ایلگیلی‌لی خبرلر