کوالیسیون قوه‌لری‌ اسد بیرلیک لرینی ووردو

آمریکانین رهبرلیگی آلتیندا اولوسلار آراسی کوالیسیون قوه‌لری‌ آمریکانین حربی بازاسینا دوغرو ایره‌لیله‌ین اسد رژیمینه مخصوص قوه‌لری و ایران کوماندانلیغیندا اولان میلیس‌لره عایید کونوویو ووردوغو ادعا اولونور.

کوالیسیون قوه‌لری‌ اسد بیرلیک لرینی ووردو

آمریکانین رهبرلیگی آلتیندا اولوسلار آراسی کوالیسیون قوه‌لری‌ آمریکانین حربی بازاسینا دوغرو ایره‌لیله‌ین اسد رژیمینه مخصوص قوه‌لری و ایران کوماندانلیغیندا اولان میلیس‌لره عایید کونوویو ووردوغو ادعا اولونور.

آزاد سوریا اوردوسو بیرلیک‌لرین‌دن بیری‌نین - احمد عبدونون مطبوعات کاتیبی سید سیف آنادولو خبر آژانسینا موصاحیبه وئردی.

سیف موصاحیبه‌ده کوالیسیون اوچاق لارینین سوریه-نین عراق و اردن ایله سرحدی یاخینلیغیندا یئرلشن آمریکایا عاید تانیف حربی بازاسی‌نین 13 کیلومتر غربین‌دکی کبب حربی دوشرگه‌سینه دوغرو ایره‌لیله‌ین رئژیم قوه‌لرینی و ایرانا تابع اولان میلیس‌لرین کونوویونو ووردوغونو سؤیله‌دی.

مطبوعات کاتیبی هوجوم‌دان اول کوالیسیون قوه‌لری طرفین‌دن کونوویا خبردارلیق ائدیلدیگینی بیل‌دیره‌رک:"خبردارلیق‌لارا باخمایا‌راق، بؤلگه‌ده ایره‌لیله‌ین کونووی بومبالاندی. اؤلن و یارا‌لانان‌لار وار. بومباردماندا چوخ سایدا حربی ماشین دا محو ائدیلدی" دئدی.

قئید ائدک کی، آمریکا آزاد سوریا اوردوسو بیرلیک‌لری‌نین اوزرینه گئدن میلیس‌لره تانیف بؤلگه‌سی اطرافیندا 3 دفعه هوجوم ائدیب.

ترور تشکیلاتی داعش-ین ژوئن آییندا مین‌لرله کیلومترلیک ساحه‌ده دؤیوشمه‌دن چکیلمه‌سی بو بؤلگه‌ده اسد و ایران قوه‌لری‌نین ایره‌لیلمه‌سینه سبب اولموشدو.



ایلگیلی‌لی خبرلر