شمخانی‌دن کورد بؤلگه‌سل یؤنه‌تیمینه تپکی
"بؤلگه‌سل رهبرلیک عراقدان آیریلسا، بوتون سرحد قاپی‌لاری و یول‌لار قاپادیلاجاق‌دیر"
ایران میللی گوونلیک یوکسک شوراسی‌نین باش کاتیبی علی شمخانی، عراقدان آیریلماسی دوروموندا، عراق کورد بؤلگه‌سل رهبرلیگی ایله بوتون آنلاشمالاری لغو ائده‌جکلرینی بیلدیردی.
شمخانی،ایرانین بؤلگه‌سل رهبرلیک ایله آنلاشما‌لارین عراق چرچیوه‌سی ایچینده اولدوغونو بیلدیردی.
سرحد قاپی‌لاری ایله باغلی آنلاشمالارا دا ایشاره ائدن شمخانی،
"بؤلگه‌سل رهبرلیک عراقدان آیریلسا، بوتون سرحد قاپی‌لاری و یول‌لار قاپادیلاجاق‌دیر" دئدی.
بؤلگه‌سل رهبرلیگین رفراندومو قرارینی گؤزدن گئچیرمه‌لری طلب ائدن عی شمخانی،
"عراقین قونشولاری‌نین رفراندوما قارشی اولماسی، بؤلگه‌سل رهبرلیک اوچون چتین بیر وضعیت اورتایا چیخارا‌جاق‌دیر" دئیه دانیشدی.
25 سپتامبر رفراندومونون گئچیریلمه‌سی دوروموندا ایرانین، گئچمیش ایللره گؤره فرق‌لی آددیم‌لار آتاجاغینی دئین شمخانی، بؤلگه‌سل رهبرلیک توپراق‌لاریندا مخالیف گوج‌لرله مباریزه ائده‌جکلرینی ده علاوه ائتدی.
