26 aprel - Ğ.Tuqay tuğan kön

Böyek tatar şağire tuuına 130 yıl tula

478300
26 aprel - Ğ.Tuqay tuğan kön

Ğabdulla Möxämmätğarif ulı Tuqayev – tatar xalqınıñ böyek şağire, tatar ädäbiyatı klassiğı, ädäbi tänqitçe, publitsist, yaña zaman tatar ädäbiyatına häm ädäbi telenä nigez saluçılarnıñ berse.

Ğabdulla Tukay 1886nçı yılnıñ 26nçı aprel könne Arça rayonınıñ Kuşlawıç awılında tua.

Tuqay qısqa ğına icat ğomerendä 350 şiğır, 107 mäsäl häm balalar öçen xikäyälär, 130 mäqalä häm felyeton yaza.

Soñğı yazğan äsäre – 4 yullıq “Mäktäp” şiğıre bula. Qazanda Klyaçkin xastaxanäsendä yatqanda wafatına 4 kön qala 1913nçe yılnıñ 28nçe martında yaza.

Älege “Mäktäp”ne häm tağın 3 şiğıren wafatınnan soñ uq “Añ” jurnalı bastırıp çığara.

Böyek şağir tuğan köne – 26nçı aprel Tatarstanda tuğan tel köne bularaq iğlan itelde. Şul könne Tatar Däwlät Opera häm Balet teatrı yanında urnaşqan Ğ.Tuqay häykäle yanında mädäni çaralar ütälär.



Bäyläneşle xäbärlär