Törkiyä Xocalı küpläp üterüen gäyepläde
Törkiyä 27 yıllığında Xocalı küpläp üterüen häm Ärmänstannıñ Azärbaycan cirlärendä xökem sörgän yawlap aluın kisken räweştä gäyepläde
Tışqı êşlär ministrlığınnan Xocalı küpläp üterüeneñ 27 yıllığı uñayınnan yasalğan yazma belderüdä: "Şuşı küpläp üterüne häm Ärmänstannıñ Azärbaycan cirlärendäge yawlap aluın kisken räweştä gäyeplibez. Azärbaycan qardäşlärebezneñ 27 yıl êlek Xocalıda duçar bulğan küpläp üterüneñ qayğısın bik tirän xis itäbez häm êçkersez räweştä urtaqlaşabız”, - dip äytelde.
Belderüdä Azärbaycannıñ Yuğarı Qarabax töbägendäge Xocalı şähärenä 1992nçe yılnıñ 26nçı fevral’ könne Ärmänstan Cömhüriyäte berlekläre oyıştırğan höcümdä yözlärçä Azärbaycan watandaşınıñ üterelüe, yaralanuı yäki äsir itep alınuı xäterlätelde.
Xalıqqa yünälgän şuşı agressivlıq häm Ärmänstannıñ Azärbaycan cirlären yawlap aluı näticäsendä ber millionnan kübräk azärbaycannıñ tuğan cirlärennän mäxrüm qaluına häm üz watannarında qaçaq bulıp yäşäwğä duçar itelüenä basım yasalğan belderüdä: "Bu tragediyada häläq buluçılarğa Allahtan yarlıqaw telibez, böten azärbaycan qardäşlärebezneñ qayğısın urtaqlaşabız”, - dip äytelde.
