"Bu hälakätneñ töp säbäplären añlaw häm qabatlanuın buldırmaw kiräk"

Süriyädä DEAŞ terrorçı oyışması qaldıqların çistartu häm Amerika xärbilären çığaru prośessı sistemalı häm kontrol’ astında alıp barılırğa tiyeş. Bu xaqta Törkiyä tışqı êşlär ministrı Mäwlet Çavuşoğlu söyläde. Ul AQŞ başqalası Vaşingtonda 79 ilneñ wäkilläre qatnaşında uzuçı DEAŞqa qarşı koaliśiyä cıyılışında çığış yasadı.

Çavuşoğlu älege terrorçı oyışmanıñ Ğıyraqta ciñelüen häm Süriyädän dä çistartılırğa toruın belderde.
“Xäzerge waqıtta ähämiyätle bulğan närsä - bu oyışmanıñ qabat ternäklänüenä yul quymaw häm älege illärdäge totrıqlılıqqa yärdäm itü. Bu hälakätneñ töp säbäplären añlaw häm qabatlanuın buldırmaw kiräk,”-dip söyläde ul.

Çavuşoğlu AQŞnın Süriyädän çigenü prośessı xaqında da süz quzğattı. Ul terrorçılarnıñ bu buşlıqtan faydalanularına yul quymasqa çaqırdı.

Ministr Törkiyäneñ Süriyädä terrorçılıq belän köräş qısalarında frontta qarşılıq kürsätüen häm 100 mennärçä sıyınuçınıñ qotqarılğan cirleklärgä kire qaytuın täêmin itüen dä söyläde.