Fuat Oktay Venesuêlada

Ul Venesuêla däwlät başlığı Nikolas Maduronıñ inauguraśiyäsendä qatnaşu öçen kitte

Fuat Oktay Venesuêlada

Törkiyä ilbaşı yärdämçese Fuat Oktay Venesuêla däwlät başlığı Nikolas Maduronıñ inauguraśiyäsendä qatnaşu öçen kitte.

“Möxtäräm Maduronıñ ant itü tantanası uñayınnan Törkiyä häm Venesuêla arasındağı mönäsäbätlärne qabat küzdän ütkärü forsatı tudı,”-dide ul.  

Oktaynı Karakastağı Simon Bolivar aêroportında Venesuêla tışqı êşlär ministrı Xorxe Arreaza häm planlaştıru ministrı Rikardo Menendes qarşı aldı. Törkiyä qunağı, hawa mäydanında belderü yasap, ike däwlät mönäsäbätläreneñ sonğı çorda bik alğa kitüen häm monnan qanäğat’ buluların assızıqladı.  

İlbaşı Räcäp Tayyip Ärdoğannın Venesuêlağa sonğı säfäre waqıtında delegaśiyälär arası oçraşular ikeyaqlı xezmättäşlekne tağın da üsterde. Oktay bu êşçänleklärne qabat yañartu häm, ayıruça, Maduronıñ ant itü tantanasında Törkiyä häm ilbaşı Ärdoğannı wäkillek itü öçen Karakasqa kilüen söyläde.

“Möxtäräm ilbaşıbıznıñ sälamnären Venesuêla xalqına citkeräm,”-dide Fuat Oktay.

 Törkiyä ilbaşı yärdämçese üze tuqtalğan qunaqxanädä Boliviyä däwläte başlığı Xuan Êvo Morales Ayma belän dä oçraştı. Anda uzğan yıl Boliviyädä Törkiyäneñ ilçelege açılunıñ ähämiyätle alğarış buluı äytelde. 2019nçı yılnıñ berençe yartısında Törkiyädä dä älege däwlätneñ ilçelegen açu xaqında kileştelär.  



Bäyläneşle xäbärlär