İlbaşı ikençe 100 könlek ğamäl planın tanıttı

 Törkiyä ilbaşı Räcäp Tayyip Ärdoğan Änkarada Bäştäpä millät kongress häm mädäniyat üzägendä ilbaşı idaräseneñ ikençe 100 könlek ğamäl planın tanıtu cıyılışında çığış yasadı.

Ul bügen Änkarada barlıqqa kilgän tiz yöreşle poyezd qazasında 9 keşeneñ ğomere özelüen, 47 keşeneñ yaralanuın citkerep,”Cömhüriyät prokuraturası waqıyğa belän bäyle 3 keşene qulğa aldı.Yuridik häm administrativ tikşerü başladı.Bu qaza törle yaqlap bik centekläp tikşereläçäk. Annan cawaplı keşelär bilgele bulaçaq. Häm barlıq tiyeşle prośeduralar başqarılaçaq”dide.

İlbaşı berençe 100 könlek ğamäl planınıñ 97%ınıñ ütälüen ,400 ğamäldän 340ınıñ tämamlanuın citkerde.  

Ärdoğan yaña 100 köndä “Fätullahçı terror oyışması”nıñ çit illärdäge strukturalarına ,ayıruça finanslaw öleşenä höcüm itü öçen kereşülär başqaraçaqların äytte.

İlbaşı “Törek ağımı” tabiği gaz proyektınıñ Törkyädäge öleşen 2019 nçı yıl azağına qadär tämamlanaçağın belderde.