Keşene qotqarğanda üze ülde
Germaniyädä törek yäşüsmere rel'slarğa yığılğan särxüşne qotqara
Germaniyäneñ Frankfurt şähärendä timer yul stanśiyäsendä rel’slarğa yığılğan keşene qotqarırğa mataşqan 17 yäş’lek törek yäşüsmere Mostafa Sözän ülde.
Cirle matbuğat xäbärlärenä qarağanda, waqıyğa sişämbe kiçen bula. Frankfurtta laborantlıqqa uquçı Mostafa öyenä kitü öçen Ostendstrasse stanśiyäsenä kilä. Poyezd kötkändä yäşüsmer ber keşeneñ rel’slarğa yığıluın kürä. Ul sikerep töşep anı qotqara. Ämma üze çığarğa ölgermi qala häm poyezs astına êlägep şunda can birä.
Mostafa tarafınnan qotqarılğan keşeneñ bik nıq särxüş buluı açıqlana. Ul qazadan yarasız qotılğan.
Poliśiyä beldergänçä, tuqtalışta iminlek kameraları yuq.
Mostafanıñ ätise Äjdär Sözän ulınıñ yärdäm itü öçen ırğılğanda üz ğomere turında uylamawı xaqında söyli. Yäş’lärenä buılğan äti keşe balasınıñ färeştä şikelle aqıllı, tärtiple buluın äytä.
Äjdär Sözän waqıyğadan soñ poliśiyäneñ fiker söreşenä ärnegän. Alar Mostafanıñ ğamälen - qıyulıq sınaw oçrağı bulırğa mömkinlegen alğa sörä.
Äti keşe ulın tuğan yaqları Aydında cirläyäçäklären belderde.
