“Cinayät' belän bäyle saq astına alınğan keşelärne İstanbulda xökemgä tartırğa çaqıram”

Törkiyä ilbaşı parlamentta yasağan çığışında Soğud Ğaräbstanınıñ İstanbuldağı baş konsullığında üterelgän jurnalist Cämal Qaşıqçı cinayätenä tuqtaldı

“Cinayät' belän bäyle saq astına alınğan keşelärne İstanbulda xökemgä tartırğa çaqıram”

 

Törkiyä ilbaşı ,”Ğadälät häm qalqınu” partiyäse ğomum başlığı Räcäp Tayyip Ärdoğan partiyäseneñ Törkiyä Böyek Millät Mäclese cıyılışında çığış yasadı.

Ärdoğan biredä yasağan çığışında Soğud Ğaräbstanınıñ İstanbuldağı baş konsullığında üterelgän jurnalist Cämal Qaşıqçı cinayätenä tuqtaldı.

İlbaşı waqıyğanı tikşerü waqıtında cinayät’neñ aldan planlaştırılğan räweştä başqarıluın , Qaşıqçı konsullıqqa barğançı Soğud Ğaräbstanınnan generallar, küzläw oyışması xezmätkärläre , êkspertlardan torğan 15 keşelek törkemneñ konsullıqqa kilüen ,anda cinayät’ êşlänüen häm dälillärne yuqqa çığarırğa tırışularına basım yasadı.  

Ärdoğan Soğud Ğaräbstanı xökümäteneñ başta Qaşıqçınıñ üterelüe däğ’waların kire qağuın ,fäqät’ dälillär barlıqqa kilgäç cinayät’ne qabul itärgä mäcbür buluın belderde.

İlbaşı: “Dälillär Qaşıqçınıñ wäxşilärçä üterelüen kürsätä. Soğud Ğaräbstanı cinayät’ne qabul itep möhim adım yasadı”,-dide.

Törkiyä ilbaşı Soğud Ğaräbstanı patşası Sälman bin Abdulazizneñ waqıyğada qatnaşı buluı  bilgelängän 18 keşeneñ saq astına alınuı turında äytüen citkerde häm  bu 18 keşene İstanbulda xökemgä tartırğa çaqırdı.

Cinayät’ belän bäyle bik küp sorawlar buluın beldergän Ärdoğan :”Bu 15 keşe cinayät’ könendä nigä İstanbulda cıyıldı? Alarğa kem boyırıq birde? Konsullıq binası nigä şunduq tügel dä könnär uzğaç qına tikşerü öçen açıldı? Mäyet qayda? Bu sorawlarğa cawap tabılmıyça torıp tikşerü tögällänmäyäçäk”,-dide.

 

 



Bäyläneşle xäbärlär