Törkiyä-dön’yada iñ küp möhacirne sıyındırğan il

İstanbulda Süriyä möhacirläreneñ Törkiyädäge tormışın tikşergän kiñ külämle xisapnı täq’dim ittelär.

mülteciler.jpg

 Anı Awrupa parlamentınıñ Törkiyä forumı ğomum särqatibe Laura Batalla häm Xarrisburg universitetınnan säyäsi fännär belgeçe Djul’yetta Tolay äzerläde. Bu bügengä qadär yazılğan Süriyäle qaçaqlar belän bäyle xisaplar arasında iñ külämlese. Anda faktlar ğına kiterelep qalmıy, çişeleş çaraları täq’dim itelä.    

Xisapta Törkiyäneñ başqa däwlätlärgä qarağanda süriyäle qaçaqlarğa tağın da açıq yöz kürsätep işeklären açuları belderelä. Anda äytelgänçä, il 7 yıldır kürşe däwlättäge suğıştan qaçıp kilüçelärne sıyındıra.

2014nçe yıldan birle dön’yada iñ küp möhacir Törkiyädä yäşi. Alarnıñ şaqtıyı Süriyädän kilä.

Törkiyädä räsmi räweştä terkälgän 3 million 500 meñ süriyäle bar. Ämma çınbarlıqta bu san zurraq dip farazlana.

Süriyäle qaçaqlar arasında 18 yäş’tän keçkenä bulğannar 1 million 660 meñ. Alarnıñ 350 meñgä yaqını Törkiyägä kilgäç tudı. 5-18 yäş’ arasındağı häm belem birü çağındağı balalarnıñ sanı isä 1 million. Alarnıñ 600 meñe uqıy. 20 meñ süriyäle Törkiyädäge universitetlarda belem ala.

Xisapta urın alğan bäyäläwlärgä qarağanda, massaküläm migraśiyä xäräkätläre çorında Törkiyä möhacirlärne qarşılawda kürsätkän finans häm idari mömkinlekläre, köçle säyäsi ixtıyarı belän başqa illärdän ayırılıp tordı.



Bäyläneşle xäbärlär