Ärdoğan Trampnıñ twitenä cawap birde

Ul Törkiyä mäxkämäseneñ amerikalı din ähele Êndryu Branson belän bäyle qararın bäysez räweştä çığaruın belderde

Ärdoğan Trampnıñ twitenä cawap birde

İlbaşı Räcäp Tayyip Ärdoğan Törkiyä mäxkämäseneñ amerikalı din ähele Êndryu Branson belän bäyle qararın bäysez räweştä çığaruın belderde. Şul räweşle, ul AQŞ däwlät başlığı Donal’d Trampqa sośial’ çeltär Twitter aşa cawap birde. “Xörmätle prezident, min härwaqıt assızıqlağan şikelle, Törkiyä mäxkämäse üz qararın bäysez räweştä çığardı. AQŞ häm Törkiyä ike berlektäşkä kileşä torğan räweştä xezmättäşlegen däwam itär dip ömetlänäm. PKK, DEAŞ häm FETO şikelle terrorçı oyışmalarğa qarşı urtaq köräş alıp barır,”-dip yazdı ul.

Donal’d Tramp Bransonnıñ irekkä çığarıluı turında Twitterda üz fikeren beldergän ide. “Bransonnı yañadan kürü iskitkeç bulaçaq. Yärdämnäre öçen ilbaşı Ärdoğanğa räxmät belderergä telim,”- dip yazdı ul.

Terrorçı oyışmaları isemennän cinayät’ êşläw häm şımçılıqta ğayeplänüçe amerikalı ruxani Branson İzmirdä 4nçe tapqır xökemdar qarşısına çıqtı. Aña 3 yıl 1 ay törmä cäzası birelde. Ämma mäxkämä mona qadär saq astıonda totılğan waqıtnı isäpläp irekkä çığardı.  



Bäyläneşle xäbärlär