Milli xärbi oçqıç 2023tä oçaçaq

Ul xäzerge waqıtta qullanılışta bulğan F-16 oçqıçlarınıñ urınına kiläçäk

Milli xärbi oçqıç 2023tä oçaçaq

Milli xärbi oçqıçnıñ täwge prototip oçışı 2023nçe yılda yasalır dip kötelä. Bu xaqta saqlanu sänäğate citäkçese urınbasarı Cälal Sami Tüfäkçe belderde. Ul Untuğızınçı may universitetınıñ aviaśiyä häm ğaläm texnologiyäläre tikşerenü häm programmalaw üzägendä buldı. Tüfäkçe çığışı waqıtında soñğı yıllarda Törkiyäneñ saqlanu sänäğatendäge üzgäreşlärgä iğ’tibarnı cälep itte.  Ul 15 yıldır bu ölkädä quyılğan tırışlıqlarnıñ yuqqa bulmawın häm Törkiyäneñ qazanışları xaqında söylärlek xälgä kilüen assızıqladı.  

Tarmaqtağı proyektlarnıñ berse - Milli xärbi oçqıç. Alar xäzerge waqıtta qullanılışta bulğan F-16 oçqıçlarınıñ urınına kiläçäk. 2030nçı yıllardan başlap F-16larnı êtaplı räweştä almaştıru küzdä totıla. Maqsat milli mömkinleklär belän çığarılğan modern oçqıçlarnı qullanılışqa kertü.



Bäyläneşle xäbärlär