Germaniya ministrı Törkiyägä räxmät belderde

Germaniya tışqı êşlär ministrı Heyko Maas Törkiyäneñ “utnı tuqtatu” poziśiyäsennän taypılmawın yuğarı bäyäläde

Germaniya ministrı Törkiyägä räxmät belderde

Germaniya tışqı êşlär ministrı Heyko Maas İran başqalası Tähranda uzğan Süriyä sammitında utnı tuqtatırğa çaqırğan Törkiyägä räxmäten citkerde. Ul Berlinda Xalıqara Kızıl Xac komitetı räise Peter Maurer belän oçraşudan soñ jurnalistlarnıñ sorawlarına cawap birde. Ministr anda İdlib häm yaqınnarında gumanitar faciğane buldırmıy qalu öçen barısın da êşläwlären söyläde. Monıñ öçen ul törek wäkilläre belän oçraşular ütkärülären belderde. Heyko Maas uzğan atnada Tähranda Törkiyäneñ Rusiyä häm İran liderları qarşında “utnı tuqtatu” poziśiyäsennän taypılmawı öçen: “Bu mäs’älädä min bik räxmätle,”-dide.    

Maas aldağı köndä tışqı êşlär ministrı Mäwlet Çavuşoğlu belän oçraşu ütkärüen belderde. Bügen isä ul Berlinda Rusiyä tışqı êşlär ministrı Sergey Lavrovnı qabul itep Süriyä mäs’äläsen kütäräçägen söyli.   

Germaniyä ministrı İdlibkä zur höcüm yasaluına çik quyuğa öleş kertäçäk här wäzğıyät’ne söyenep qarşılayaçağın assızıqladı. Ul, monnan tış, xökümäteneñ Xalıqara Qızıl Xac komitetına 150 million yevro biräçägen dä äytep uzdı.



Bäyläneşle xäbärlär