Nursoltan Nazarbayev Ӓnkarada

Qazaqstan dӓwlӓt başlığı Nursoltan Nazarbayev Ӓnkarada.

Törkiyӓgӓ rӓsmi sӓfӓr belӓn kilgӓn Qazaqstan ilbaşın Rӓcӓp Tayyip Ӓrdoğan İlbaşı idarӓse kölliyӓteneñ töp qapqasında qarşı aldı.

Qarşılaw tantanasında 21 tup atışı yasaldı hӓm ike il gimnnarı yañğıradı.

Soñınnan ike lider üzara söylӓşügӓ küçte.

Yuğarı dӓrӓcӓle strategik şura utırışında hӓm kileşülӓrneñ imza tantanasında qatnaşaçaq Ӓrdoğan hӓm Nazarbayev matbuğat oçraşuı oyıştıraçaq.

Tantanada tışqı êşlӓr ministrı Mӓwlüt Çavuşoğlu, Milli saqlanu ministrı Hulusi Akar, Ênergetika hӓm tabiği çığanaqlar ministrı Fatix Dönmӓz, Mӓdӓniyӓt hӓm turizm ministrı Mӓxmӓt Nuri Ӓrsoy belӓn transport hӓm asqorıma ministrı Mӓxmӓt Cahit Turhan bar ide.