"Xatın-qızlarnı häm balalarnı üterü cir bötenlegen täêmin itüneñ yulı tügel"

Törkiyä tışqı êşlär ministrı Mäwlet Çavuşoğlu İdlib mäs’äläsendä fikerdäş bulırğa çaqırdı

"Xatın-qızlarnı häm balalarnı üterü cir bötenlegen täêmin itüneñ yulı tügel"

Törkiyä tışqı êşlär ministrı Mäwlet Çavuşoğlu Süriyädäge wäzğıyät’neñ härkemne cälep itüen häm bu mäs’älädä ber ük fikerdä bulğan illär belän êşläwlären äytte.

Bu xaqta ul Buxarestta oyıştırılğan Törkiyä-Rumıniyä-Pol’şa tışqı êşlär ministrları cıyılışınnan soñ bulğan urtaq matbuğat kiñäşmäsendä söyläde.

Çavuşoğlu İdlibkä rejimnıñ ğına tügel, Rusiyäneñ dä höcümnärne däwam itüen belderde. “Täq’dimebez açıq. Höcümnär tuqtasın. Terrorçı törkemnärneñ barlığına çik quyu öçen bergäläp êşlik,”-dide. Ul Süriyädäge wäzğıyät’tä in yaxşı çişeleşneñ säyäsi buluın assızıqladı. Çavuşoğlu Astana häm Şoçidağı tırışlıqlarına, Tährandağı oçraşuğa qaramastan, rejimnıñ höcümnäre däwam itüenä borçu belderde. “Nigä bu qadär ğadi xalıqnı, meñnärçä xatın-qız häm balalarnı üterü kiräk?”-dide ul. Ministr bergäläp adım yasawnıñ ähämiyätenä basım yasıy. Ul Rusiyä, İran, AQŞ, Franśiya häm Angliya genä tügel, Süriyädä barlıq fikerdäşlär belän bergä êşlärgä äzer buluların belderde.

Çavuşoğlu Süriyäneñ cir bötenlege tarafında bulularına da iğ’tibar yünältte. Ämma, ul äytkänçä, xatın-qızlarnı häm balalarnı üterü cir bötenlegen täêmin itüneñ yulı tügel. Ministr härkemne Süriyädäge rejim höcümnärenä qarşı tawışların kütärergä häm tınıç çişeleş tabarğa çaqırdı.  



Bäyläneşle xäbärlär