Ärdoğannıñ “Wall Street Journal” gazetındağı mäqaläse

“Dön’ya Äsädne tuqtatırğa tiyeş” dip atalğan mäqaläneñ qayber tezisları

Ärdoğannıñ “Wall Street Journal” gazetındağı mäqaläse

İlbaşı Räcäp Tayyip Ärdoğan Süriyä rejimınıñ İdlibkä höcüme Törkiyä, Awrupanıñ qalğan öleşe häm anıñ tışında citdi gumanitar krizis, iminlek qurqınıçı tudıraçağın söyli. Bu xaqta ul Amerikanıñ “Wall Street Journal” gazetı öçen yazğan mäqaläsendä belderde. “İdlibkä höcüm ofıqta kürengändä, xalıqara cämäğat’çelek cawaplılıqnı añlarğa tiyeş. Bitaraf qalunıñ bäyäse zur bulır. Süriyä xalqın Bäşşar Äsädneñ qulına qaldırıp kitmäyäçäkbez,”- di Ärdoğan “Dön’ya Äsädne tuqtatırğa tiyeş” dip atalğan mäqaläsendä. Ul Törkiyäneñ İdlib mäs’äläsendä qulından kilgänne êşläwen söyli.

Ärdoğan Äsäd rejimınıñ İdlibkä höcümnäreneñ maqsatı çınlap torıp häm täêsirle terrorçılıq belän köräş kampaniyäse tügel, ayırıp tormıyça ğına oppoziśiyäne yuqqa çığaru ikänenä basım yasıy. Ul mäqaläsendä şundıy fikerlärgä urın birde: “İdlib soñğı küper. Ägär Äwrupa häm AQŞ xäzer xäräkätlären uñışsız yasasa, awırlığı barı tik ğayepsez süriyälelär tügel, böten dön’yanıñ östenä töşäçäk. Törkiyä kürşesendäge ütereşne tıqtatu öçen barlıq köçen quydı”.   

Ärdoğan Törkiyäneñ 3,5 millionnan artıq süriyälene üzenä qabul itüen telgä qaldı. “Şul uq waqıtta yänäşäbezdä xäräkät itüçe terrorçı oyışmalar DEAŞ häm PKKnıñ da tamäge buldıq. Gımanitar yärdämnärneñ awırlığı da, iminlekkä yanawlar da qararlı poziśiyäbezdän taypıldırmadı,”-dide ul.    

İlbaşı Ärdoğan İdlib mäs’äläsendä AQŞqa möräcäğat’ itte, Mäskäw häm Tähranğa çaqıru yasadı: “Ximik höcümnärgä iğ’tibarın yünäldergän AQŞnıñ ülemnär arasında iyerarxiyä küzläwennän baş tartuı kiräk. Ğadäti qorallar tağın da kübräk ülemgä kiterde. Bu ütereşne tuqtatu barı tik Könbatışnıñ êşe tügel. Astana prośessındağı urtaqlarıbız Rusiyä belän İran da bu keşelek faciğasen tuqtatuda şul uq däräcädä cawaplı”.

Ärdoğan mäqaläsendä şularnı da assızıqladı: “Äsäd rejimı üz höcümnären terrorçılıq belän köräş bularaq qanunlaştırırğa mataşa. Bu mäs’älädä yalğışmağız: terrorçılıq belän köräştä hiçber däwlät Törkiyädän tağın da kübräk tanılu xaqı qazanmadı. Bäşşar Äsädneñ çarası yalğış. Ğayepsez keşelär terrorçılıq belän köräş isemennän qorban bulırğa tiyeş tügel. Bu barı tik ğadättän tış ıruğçılıqqa häm terrorçılıqqa yaña mömkinleklär tudıra. DEAŞnıñ qalqınuı Süriyädäge waqıyğalarnıñ näticäse ide, säbäbe tügel”.

Ärdoğan İdlibtä Xäyät Tahrir äş-Şam şikelle terrorçı oyışmalar aktivlaşqan cirleklär buluın qabul itä. Ämma alar töbäktä yäşäwçelärneñ keçkenä ber öleşen täşkil itä. Terrorçılıq belän köräş alıp barılğanda ğadi xalıqnıñ qurqınıçsızlığın täêmin itü mömkin.  Ärdoğan äytkänçä, Törkiyäneñ DEAŞ häm PKK belän köräşe - monıñ misalı.



Bäyläneşle xäbärlär