Afrinda uramğa Ärdoğan iseme birelde

Afrin töbägendä qayber prospektlarğa “Räcäp Tayyip Ärdoğan” häm “Zäytün botağı” şikelle isemnär birelde

Afrinda uramğa Ärdoğan iseme birelde

Süriyädä Törkiyä qorallı köçläre häm Bäysez Süriyä armiyäse tarafınnan terrorçılardan çistartılğan Afrin töbägendä qayber prospektlarğa “Räcäp Tayyip Ärdoğan” häm “Zäytün botağı” şikelle isemnär birelde.

Afrin cirle parlamentı, şulay itep, töbäk märkäzendäğe qayber uramnarnıñ atamaların üzgärtte. Timerçe Kava prospektı - “Zäytün botağı”na äwerelde, Näwrüz bul’varına - Ğosmanlı çorındağı Misır häm Süriyä soltanı bulğan Sälaxetdin Äyyüp iseme birelde, Xökümät binası prospektın isä “Räcäp Tayyip Ärdoğan” prospektı dip üzgärttelär.  

Afrinda iminlekne nığıtu çaraları äle dä däwam itä. Belgeçlär basular häm yul qırıylarına terrorçılar tarafınnan quyılğan şartlatuçılarnı detektorlar belän tabıp yuqqa çığara. Törkiyä qorallı köçläre töbäktä yul yasaw, çüp-çardan çistartu, tirä-yaq möxitne tözekländerü êşlärennän tış gadi xalıqqa sälamätlek saqlaw xezmäten dä kürsätä.  



Bäyläneşle xäbärlär