Ärdoğan ant itte. İlbaşı xökümät sisteması ğamälgä kerde

İlbaşı Räcäp Tayyip Ärdoğan Törkiyä Böyek Millät Mäclesendä ant itte

Ärdoğan ant itte. İlbaşı xökümät sisteması ğamälgä kerde

Bu räweşle parlamentariy sisteması bette, İlbaşı xökümät sisteması räsmi räweştä başlağan buldı.

24nçe iyün’dä ütkärelgän ilbaşı saylawın 26 million 330 meñ 823 tawış belän ciñgän Ärdoğan Törkiyä parlamentında uzdırılğan ant itü tantanasınnan soñ Cömhüriyätkä nigez saluçı Atatörek käbere urnaşqan Anıtkäbergä uzdı.

İlbaşı qolliyätendä dä kiçen “İlbaşı wazıyfasına başlaw tantanası” uzaçaq.

22 däwlät başlığı, 28 baş ministr häm parlament başlığı belän 6 xalıqara oyışmanıñ ğomum särkätibe qatnaşaçaq tantanada Törkiyäneñ böten qatlamnarın wäkillek itep çaqırılğannar bulaçaq.

Bu qısada Bolgariya İlbaşı Rumen Radev, Görcestan (Gruziya) Däwlät başlığı Giorgi Margvelaşvili, Makedoniya Prezidentı Gjorge Ivanov, Moldova İlbaşı Igor Dodon, Bosniya-Hersegovina İlbaşı Şurası başlığı Bakir İzetbegoviç, Serbiya Däwlät başlığı Aleksandar Vuçiç, Kosova İlbaşı Haşim Thaçi, Qatar Ämiri Şäyex Tämim Bin Hamad Äl Sani, Paqıstan İlbaşı Mämnun Xösäyen, Tön'yaq Kipr Törek Cömhüriyäte İlbaşı Mostafa Aqıncı, Qırğızstan İlbaşı Sooranbay Jeenbekov, Sudan Däwlät başlığı Ömär Äl Bäşir, Gvineya İlbaşı Alpha Conde, Zambiya Däwlät başlığı Edgar Lungu, Gvineya Bissau İlbaşı Jose Mario Vaz, Êkvatorial’ Gvineya Däwlät başlığı Teodoro Obıang, Somali İlbaşı Möxämmäd Abdullahi Möxämmäd Farmajo, Moritaniya İlbaşı Mohamäd Ould Abdäl Aziz, Gabon İlbaşı Ali Bongo Ondimba, Çad İlbaşı Idriss Deby Itno, Cibuti İlbaşı İsmail Omar Guelleh, Venesuêla Däwlät başlığı Nikolas Maduro Törkiyägä kilde.

Tantanadan soñ İlbaşı Ärdoğan qunaqlarnıñ xörmätenä kiçke aş mäclesen oyıştıra.



Bäyläneşle xäbärlär