İlbaşı Ärdoğanğa çit ildän qotlawlar

İlbaşı Räcäp Tayyip Ärdoğannıñ saylaw ciñüennän soñ berençe bulıp Azärbaycan Däwlät başlığı İlham Aliyev şaltıratıp qotladı.

Aliyev Ärdoğannıñ äydäp baruçanlığında Törkiyäneñ tağın da kübräk üseş aluına basım yasadı, Ärdoğannıñ iq’tisad ölkäsendä zur uñışqa ireşüenä iğtibarnı yünältte.

Xalıqara mäydandağı torışın tağın da köçäytüen belderde.

Annan soñ Fälästinnän täbrik kilep citte.

Fälästin Däwlät başlığı Mäxmüd Abbas häm “Hamas” säyäsi byuro başlığı İsmail Haniyä Ärdoğannıñ ciñüen qotladı.

Bosniya-Hersegovina İlbaşı şurası başlığı Bakir İzzetbegoviç ta Däwlät başlığı Ärdoğannı saylawdağı uñışın täbrik itte.

Albaniya baş ministrı Edi Rama, Serbiya, Kosova häm Makedoniya Däwlät başlıqları Ärdoğannı qotlağan başqa liderlar buldı.

Üzbäkstan, Qatar, Sudan, Somali, Venesuêla, Paqıstan, Belarus, Baxreyn häm Quveyttan da qotlawlar yasaldı.

Macarstan (Vengriya) baş ministrı Viktor Orban Awrupa Berlege äğzase illär arasında Ärdoğannı täbrik itkän berençe lider buldı.