Saylaw aldınnan terror ğamälen yasamaqçı bulğannar
Başqala Änkarada “DEAŞ” terror oyışması äğzase 14 keşe beryulı oyıştırılğan operaśiyälär belän totqarlandı
997653
Änkara iminlek mödirlegeneñ terrorçılıq belän köräş törkemnäre başqarğan küzläw êşçänlege näticäsendä 24nçe iyün’ yäkşämbe könne uzdırılaçaq İlbaşı häm 27nçe çor xalıq ışanıçlıları ğomum saylawı aldınnan terror ğamälen ütkärergä äzerlänüe bilgelängän “DEAŞ” terror oyışması äğzaläreneñ totqarlanuı öçen çaralar başlatıldı.
Şöbxälelärneñ bilgelängän adreslarında beryulı oyıştırılğan operaśiyälärdä 14 “DEAŞ”lı qulğa alındı.
Barısı da çit il watandaşı bulğan şuşı şäxeslär belän bergä öylärendä ütkärelgän tentü waqıtında küp sanda terrorçılıq materialları da qulğa töşerelde.
Şöbxälelär soraw alınuı öçen Änkara iminlek mödirlegenä alıp barıldı.
