FETÖ belän köräş däwam itäçäk

İlbaşı Räcäp Tayyip Ärdoğan Fätxullaxçı terror oyışması parallel’ däwlät qorılışı belän köräştä qararlılıq turında belderde. Bu xaqta ul İstanbul iminlek xezmätkärläre belän uzdırğan iftarda söyläde.

Ärdoğan FETÖ belän êlemtäse bulğan häm yulları kiseşkän, yäşeren xäbärläşü ısulların qullanğan, oyışma mänfäğat’läre öçen êş urınınnan faydalanğan şäxeslärneñ centekle tikşerü nigezendä açıqlanuın häm alarnıñ xezmät urını belän mönäsäbätläre beterelüen añlattı.

“Bu waqıtta xoquq häm ğadälättän çitkä kitelmäsen dip qayğırttıq. Ägär xata yasasaq, anı tözätergä tırıştıq. Berkemneñ zolım kürüenä belä torıp küz yommadıq. Ağıqtan –açıq äytäm –dön’yada bik az il däwlätneñ iñ neçkä tamırlarına ütkän mondıy mäl’ğun oyışma belän bezneñ şikelle tigez xoquqlı häm uñışlı köräş alıp bara ala. Dön’yada bik az cämğıyät’ mondıy awır travmada bezneñ xalqıbız kebek sizger bula ala,”-dip söyläde ilbaşı.

Ärdoğan şähitlärneñ qanı cirdä qalmayaçağın häm FETÖ belän köräş däwam itäçägen belderde.