Törkiyä-Tatarstan êş forumı

İstanbulda Törkiyä-Tatarstan êş forumında Tatarstan ilbaşı Röstäm Minnexanov ta qatnaştı.

Törkiyä-Tatarstan êş forumı

İstanbulda Törkiyä-Tatarstan êş forumı uzdı. Älege çara ike ölkä arasında iqtisadıy mönäsäbätlärgä bağışlanğan. Anıñ êşendä Tatarstan ilbaşı Röstäm Minnexanov ta qatnaştı. Ul cömhüriyätneñ üseşendä törek êşmäkärläreneñ dä zur öleşe buluın assızıqladı. “Tatarstanda iñ ähämiyätle salım tüläwçelär Törkiyä şirkätläre. Bu investiśiyälärneñ däwam itüen telibez,”-dide Minnexanov.

Cıyılışqa Törkiyä tarafınnan iqtisad ministrı urınbasarı Fatix Mätin qatnaştı. Ul töbäktäge tözeleşlärgä kapıtal salu mäs’äläsenä iğ’tibar yünältte.  Törkiyä älege tarmaqta dön’yada ikençe urında bara. Bu investiśiyälär Tatarstanda häm tulayım Rusiyädä tormışqa aşırıla. Respublikada töreklär tözeleşkä 2 milliard dollarlıq kertem yasağan.

Forum ikeyaqlı kileşü imzalaw belän tögällände.     

Fotosürät tatarstan.ru säxifäsennän alındı



Bäyläneşle xäbärlär