İlbaşı: “Törkiyä 24nçe iyün’dä saylawğa bara”

İlbaşı Räcäp Tayyip Ärdoğan waqıtınnan êlek saylawnıñ 2018nçe yılnıñ 24nçe iyün’ könne ütkäreläçägen belderde

954348
İlbaşı: “Törkiyä 24nçe iyün’dä saylawğa bara”

Ärdoğan “Millätçe xäräkät” partiyası (MHP) Ğomum başlığı Däwlät Bahçäli belän İlbaşı qolliyäsendä oçraştı.

Ärdoğan oçraşudan soñ oyıştırğan matbuğat konferenśiyäsendä Bahçäli belän şaqtıy näticäle söyläşü ütkärülären assızıqladı.

İlbaşı Ärdoğan: “Törkiyä äle haman 16nçı aprel’däge Däwlät başlığı häm yaña xökümät sisteması referendumınnan soñ iske dip äytelgän sistema belän idarä itelä. İlbaşı belän xökümätneñ ahäñle êşläwe näticäsendä problema yäşänmi kebek kürensä dä êlekke sistemanıñ xastalıqları päydä bula. 2019nçı yılnıñ noyabr’ ayındağı saylawğa xätle tüzärgä ide niyätebez. Läkin Süriyädä alıp barğan çikaryağı operaśiyälärebez bulmasın, Süriyä häm Ğiraqqa bäyle bularaq töbägebezdä yäşängän tarixi ähämiyättäge waqiğalar (waqıyğalar) bulmasın, Törkiyäneñ tiz arada bilgesezleklärne xäl itüen mäcbüri qıldı”, - dip äytte.

Ärdoğan: "İlebez aldında torğan problemalar arqasında Bahçälineñ waqıtınnan êlek saylaw täq’dimenä uñay qaradıq. Saylaw mäs’äläsen ilebezneñ kön tärtibennän tiz arada çığaru şart. Saylawnıñ 2018nçe yılnıñ 24nçe iyün’ könne ütkärelüe qararına kildek. Millätebezgä xäyerle bulsın”, - dip belderde.

Mäs’älä belän bäyle qanuni barışnıñ xäzer ük başlatılaçağın äytüçe Ärdoğan Yuğarı saylaw şurasınıñ da saylaw äzerleklärenä tiz arada başlayaçağın assızıqlap äytep uzdı.



Bäyläneşle xäbärlär