Mäwlüt Çavuşoğlu Mäskäwdä

Törkiyӓneñ Tışqı êşlӓr ministrı Mӓwlüt Çavuşoğlu problemalarnıñ çişeleşendӓ global’ sistemanıñ tağın da aktiv buluı zarurlığın ӓytte.

Çavuşoğlu: “Dönyadağı problemalar yӓisӓ bügenge köndӓge sınawlarnıñ cawaplısı bez tügel hӓm bolarnı çişü barı tik Törkiyӓ belӓn Rusiyӓneñ wazifası tügel. Global’ sistemanıñ, xalıqara oyışmalarnıñ tağın da aktiv buluı zarur,” – dide.

Törkiyӓ-Rusiyӓ Yuğarı dӓrӓcӓle xezmӓttӓşlek şurasına bӓyle Urtaq strategik planlaw törkemeneñ 6nçı cıyılışında qatnaşır öçen Mӓskӓwgӓ kitkӓn Çavuşoğlu berençe itep Rusiyӓ matbuğat organnarı citӓkçelӓre belӓn oçraştı.

Törek ministrı soñınnan Mӓskӓw dӓwlӓte xalıqara mönӓsӓbӓtlӓr institutında “Törek tışqı sӓyӓsӓte” isemle çığış yasadı hӓm sorawlarğa cawap birde.