Bozdağ: “Germaniyadağı höcümnärdän borçılabız”

Prem'yer-ministr urınbasarı häm xökümät süzçese Bäkir Bozdağ Germaniyadağı törek ğibadätxanälärenä yasalğan höcümnär belän bäyle bularaq bu ilgä nota birelüen äytte

Bozdağ: “Germaniyadağı höcümnärdän borçılabız”

Bozdağ Ministrlar Şurası cıyılışınnan soñ matbuğat oçraşuın ütkärde.

Süriyäneñ Afrin töbägendä ütkärelüçe “Zäytün töbäge” xäräkäte qısalarında şähär üzägeneñ dä yaqın waqıtta terrorçılardan çistartılaçağın belderüçe Bozdağ Törek qorallı köçläreneñ 20nçe ğinwardan birle alıp baruçı xäräkätendä xäzergä çaqlı 42 törek ğaskäriyeneñ şähit buluın, 202 ğaskärineñ dä yaralanuın belderde.

Xäräkät başlanğannan birle 3 meñ 381 terrorçınıñ isä täêsirsez xälgä kiterelüen belderüçe Bozdağ: “Yaqında Afrin üzäge dä terrorçılardan çistartılaçaq”, - dip äytte.

Bozdağ Törek qorallı köçläreneñ töbäktä tınıç xalıqtan berkemne dä maqsat itep almawına tağın ber qat basım yasadı.

Bäkir Bozdağ Germaniyada separatist terror oyışması tarafdarlarınıñ töreklärneñ ğibadätxanälärenä yasağan höcümnäre belän bäyle bularaq ta zur borçılu toyuların belderde.

Germaniyadağı töreklärneñ iminlegennän Berlin xökümäteneñ cawaplı buluına işaräläwçe Bozdağ: “Bu däwam itüçe xökemgä tartularda xökemgä tartılğan beräwne kürmädem. Alman däwläteneñ tawışsızlığı uylandırırlıq. Germaniya ilçesenä bügen nota birelde”, - dip äytte.

Premyer-ministr urınbasarı Bozdağ, Amerika Quşma Ştatları belän Süriyäneñ Mänbiç töbägeneñ terrorçılardan çistartıluı söyläşülärendä bilgele ber noqtağa citelüen dä belderep: “Kileşü täêmin itelmäsä, Törkiyä terrorçılarnı çistartuda qatği”, - dip äytte.

Bozdağ Tön’yaq Ğiraqtağı (Ğıyraqtağı) terror qorılışlarına qarşı buluı mömkin operaśiya belän bäyle bularaq ta Ğiraq (Ğıyraq) xökümäte belän alıp barılğan söyläşülärneñ uñay uzuın assızıqladı.

Xäräkät qayçan başlanaçaq digän sorawğa isä Bozdağ: "Anı xäräkät başlanğan çaqta barıbız bergä küräçäkbez. Minnän waqıtın äytüen berkem dä kötmäsen. Bezneñ reaktiv oçqıçlarıbıznı, xärbilärebezne kürgän çaqta kilüebezne añlarlar”, - dip äytte.



Bäyläneşle xäbärlär