Xocalı küplӓp üterüenä 26 yıl

Törkiyӓ Böyek Millӓt Mӓcleseneñ tışqı êşlӓr komissiyase Xocalı küplӓp üterüeneñ 26 yıllığı uñayınnan belderge açıqladı.

Beldergedӓ Ӓrmӓnstan berleklӓre tarafınnan 1992 yılnıñ 26 fevral’ könne Tawlı Qarabaxnıñ Xocalı şӓhӓrçegenӓ oyıştırılğan höcümdӓ 106ısı xatın-qız, 63e bala-çağa hӓm 70e olı yӓştӓgelӓr belӓn barlığı 613 ğayepsez Azӓrbaycan watandaşınıñ wӓxşilӓrçӓ üterelüe iskӓ töşerelde.

Bu küplӓp üterüdӓ 76ısı bala bulğan 487 keşeneñ yaralanuı, 1275 keşeneñ dӓ Ӓrmӓnstan köçlӓre tarafınnan ӓsirlekkӓ alınuı urın alğan beldergedӓ ul könne yuğalğan 150 keşedӓn xabӓr yuq.

Beldergedӓ: “Törkiyӓ bularaq Azӓrbaycan qardӓşlӓrebezneñ monnan nӓq 26 yıl êlek Xocalıda oçraşqan wӓxşi höcüm hӓm küplӓp üterüne hӓrwaqıt küñelebezdӓ xis itӓbez, bu qayğını urtaqlaşabız. Ӓrmӓnstan Cömhüriyӓte berleklӓre tarafınnan oyıştırılğan bu küplӓp üterüne hӓm Azӓrbaycan cirlӓreneñ yıllar buyı yawlanuın qırıs rӓweştӓ ğayeplibez. BMO İminlek şurası, Awrupa İminlek hӓm xezmӓttӓşlek oyışması belӓn İslam xezmӓttӓşlek oyışmasınıñ bӓylӓneşle qararları qısalarında bu küplӓp üterügӓ xaqlı ӓhӓmiyӓt birüen hӓm kirӓkle reakśiyane kürsӓtüe zarurlığın tağın ber qat qabatlıybız,” – dip ӓytelde.