Çavuşoğlu: “Rusiyä belän xezmättäşlek - Könbatışqa al’ternativa tügel”

Tışqı êşlär ministrı Mäwlüt Çavuşoğlu Germaniya belän mönäsäbätlärdä 2018nçe yılnıñ tağın da yaxşıraq yıl bulaçağın belderde

Çavuşoğlu: “Rusiyä belän xezmättäşlek - Könbatışqa al’ternativa tügel”

Törkiyä Tışqı êşlär ministrı Mäwlüt Çavuşoğlu Änkarada “DPA” alman xäbär agentlığınıñ Törkiyä-Germaniya mönäsäbätlärenä qağılışlı sorawlarına cawap birde.

Alman turistların Törkiyägä yal itärgä çaqıruçı Tışqı êşlär ministrı: "Törkiyä – imin il”, - dip äytte.

Töreklärneñ almannarnı tradiśion mäğnädä “yaxşı dus” itep kürüen xäterlätüçe Çavuşoğlu: "Däwlätlär häm xökümätlär arasında qaraş ayırımlılıqları, xätta problemalar yäşänä ala. Läkin bu xalıqlarıbız arasındağı mönäsäbätlärgä täêsir itmäskä tiyeş”, - dip äytte.

Çavuşoğlu Törkiyä-Germaniya mönäsäbätläre belän bäyle bularaq: "Här ike taraf ta mönäsäbätlärne cayğa salırğa äzer”, - dip assızıqladı.

Äñgämä waqıtında Törkiyäneñ Awrupa Berlege belän alıp barğan tulı äğzalek söyläşüläre mäs’äläsenä dä tuqtalıp uzuçı Tışqı êşlär ministrı Mäwlüt Çavuşoğlu Törkiyäneñ Rusiyä belän xezmättäşlekneñ “Könbatışqa al’ternativa" bulmawına basım yasadı.

Törkiyäneñ tulı äğzalek maqsatın saqlap qaluın belderüçe ministr: “Awrupa Berlege êçendä Germaniya, Awstriya häm soñğı waqıtlarda Daniya belän bergä bezneñ äğzalegebezgä qarşı bulğan äz sanda il bar”, - dip äytte.



Bäyläneşle xäbärlär