"Töbӓkne ut yalqınına ӓylӓnderergä telilär"

Ӓrdoğan Ӓsӓnboğa hawa mӓydanında Greŝiyağa kitkӓnçe watandaşlarğa mörӓcӓğat’ itte

"Töbӓkne ut yalqınına ӓylӓnderergä telilär"

Törkiyӓ ilbaşı Ӓrdoğan Amerika Quşma Ştatları ilbaşı Trampnıň Yerusalim qararınıň töbӓkne ut yalqınına ӓylӓnderüne aňlatuın ӓytte.

Ӓrdoğan Ӓnkaradağı Ӓsӓnboğa hawa mӓydanında Greŝiyağa kitkӓnçe watandaşlarğa mörӓcӓğat’ itte.

Trampnıň Yerusalimne İzrail başqalası bularaq tanuı açıqlawına tuqtalğan ilbaşı AQŞ liderınıň 1980 yılda İzrailneň Könçığış Yerusalimne yawlap, başqala itep iğlan itüen tanımawçı 478 nomerlı BMO qararın isӓpkӓ almawın ӓytte.

Bügenge köngӓ qadӓr AQŞ hӓm İzraildӓn başqa bernindi ilneň BMOnıň Yerusalim qararına qarşı adım yasamawın beldergӓn Ӓrdoğan tübӓndӓgeçӓ citkerde: “Bu ike il genӓ qarşı çığa. Xörmӓtle Trampnıň kemgӓ yararğa tırışuın aňlaw mömkin tügel. Yerusalim bügengӓ qadӓr möselmannar, xristiyannar hӓm öleşçӓ dӓ yӓhüdlӓrneň ğibadӓtxanӓse bularaq kürelde.”

Ӓrdoğan: “Ӓl-Aqsa mӓçete - bezneň berençe qiblabız. Mondıy adımnı yasaw - bu töbӓkne ut yalqınına ӓylӓnderüder. Ӓy, Tramp, sin nişlӓrgӓ teliseň? Sӓyӓsi liderlar butaw öçen tügel, kileşterü öçen bar. Xӓzerge waqıtta xörmӓtle Trampnıň bu açıqlawları mikser wazifasın başqara. Butaw öçen, kileşterü öçen tügel,” – dide.

Ӓrdoğan İslam xezmӓttӓşlek oyışmasınıň çirattağı rӓise bularaq 13 dekabr’ çӓrşӓmbe könne barlıq ӓğzalӓrne İstanbulda cıyaçaqların ӓytte.



Bäyläneşle xäbärlär