"Ärdoğannan ğafu ütendem"

NATO uzğan atnada Norvegiyada 8-17 noyabr’ könnӓrendӓge xӓrbi künegülӓrdӓ Törkiyӓ ilbaşı Ӓrdoğan belӓn Mostafa Kӓmal Atatörekne maqsat itep alğan waqiğalar belӓn bӓyle tikşerüneñ dӓwam itüen belderep: “Başqa andıy nӓrsӓ küzӓtelmӓyӓçӓk,” – digӓn.

NATO ğomüm sӓrqӓtibe Jens Stoltenberg Törkiyӓneñ reakśiyasenӓ sӓbӓpçe bulğan xӓrbi künegülӓr skandalınıñ tikşerelüen hӓm mondıy waqiğanıñ qabat barlıqqa kilmӓyӓçӓge mӓs’ӓlӓsendӓ garantiya birülӓren ӓytkӓn.

Stoltenberg tübӓndӓgeçӓ dӓwam itte: “Atna azağında Ӓrdoğanğa şaltıratıp, waqiğa hӓm kitergӓn borçu öçen ğafu ütendem. NATOnıñ Norvegiyadağı waqiğanıñ cawaplıları xaqında şunduq êşkӓ kereşüe mӓs’ӓlӓsendӓ aña mӓğlümat birdem.”

Törkiyӓneñ NATOnıñ möhim berlektӓş buluın ӓytkӓn Stoltenberg: “Törkiyӓ Ğiraq hӓm Süriyӓ çigendӓ terrorçılıq belӓn körӓştӓ ittifaqqa törle rӓweştӓ öleş kertӓ. Şul uq waqıtta Rusiyӓ çigendӓ Qara diñgezdӓge êşçӓnleklӓrebezdӓ möhim berlektӓş. Şul rӓweşle Törkiyӓneñ ittifaqqa öleşenӓ qimmӓt birӓbez. Şunıñ öçen mondıy waqiğanıñ qabat barlıqqa kilmӓyӓçӓgen belergӓ tiyeş bez,” – digӓn.

Norvegiyada oyıştırılğan xӓrbi künegülӓrdӓ çıqqan skandalda Atatörek maqsat bularaq saylanğan, Törkiyӓ ilbaşı Ӓrdoğannıñ da doşman il liderları belӓn yaqın êlemtӓ qoruı hӓm xezmӓttӓşlek başqaruı yullaması yasalğan ide.