"Açı xatirӓlӓr hӓm ber kisӓk ğadellek"

Törkiyӓ Mladiç cӓzasınıñ cinayӓt’lӓrneñ qabatlanmawı öçen ürnӓk buluın telӓde

"Açı xatirӓlӓr hӓm ber kisӓk ğadellek"

Törkiyӓ êlekke serb citӓkçese Ratko Mladiçka birelgӓn ğomer buyı törmӓ cӓzasınıñ andıy cinayӓt’lӓrneñ qabatlanmawı öçen ürnӓk buluın telӓde.

“Bosniyane turawçı” bularaq belenüçe êlekke citӓkçe Mladiçka küplӓp üterü, keşelekkӓ qarata cinayӓt’ başqaru hӓm suğış qanunnarın bozğanı öçen ğomer buyı törmӓ cӓzasınıñ birelüe Törkiyӓdӓ yañğıraş taptı.

Tışqı êşlӓr ministrı Mӓwlüt Çavuşoğlu Hollandiyaneñ Gaaga şӓhӓrendӓ Êlekke Yugoslaviya Xalıqara cӓza mӓxkӓmӓse qararı turında: “Cinayӓt’çe Mladiç totqın buldı. Bosniyalelӓr öçen toyğılı kön. Açı xatirӓlӓr hӓm ber kisӓk ğadellek,” – dide.

Awrupa Berlege ministrı hӓm başsöylӓşüçe Ömӓr Çӓlik isӓ qararnı sosial’ mediada bӓyӓlӓde.

Ministr cӓzanıñ qorbannarnıñ tuğannarı öçen yuanıç buluın assızıqlap: “Bu cinayӓt’çegӓ birelgӓn cӓza köçle yullama bulır dip ışanam. Töbӓktӓ tınıçlıq hӓm xozurnıñ nığuına öleş kertüen telim,” – dide.



Bäyläneşle xäbärlär