”İke il mönäsäbätlären tağın da üsterü mäs’äläsendä kileştek”

Bu xaqta Törkiyä ilbaşı Räcäp Tayyip Ärdoğan kiçä Soçida Rusiya Federaśiyäse däwlät başlığı Vladimir Putin belän ütkärgän matbuğat oçraşuında belderde

”İke il mönäsäbätlären tağın da üsterü mäs’äläsendä kileştek”

 

 Törkiyä ilbaşı Räcäp Tayyip Ärdoğan kiçä Soçida Rusiya Federaśiyäse däwlät başlığı Vladimir Putin belän küreşep söyläşte.

Üzara häm wäkilleklär arası söyläşülärdän soñ ike lider urtaq matbuğat oçraşuı ütkärde.

 Ärdoğan ike il mönäsäbätlären tağın da üsterü mäs’äläsendä Putin belän kileşü täêmin itülären belderde.

Ärdoğan säyäsi mönäsäbätlär belän bergä iq’tisadi mönäsäbätlärdä dä kütäreleş, alğarış buluına basım yasadı,awıl xucalığı tovarlarına qarata häm viza çikläwläreneñ zur öleşeneñ beterelüennän bik qanäğät’ buluın citkerde.

Törkiyä ilbaşı Törkiyädän Rusiyägä awıl xucalığı tovarları êksportlawdağı soñğı çikläwlärne dä beterü täq’dimen yasadı.

Vizadan azat itü sistemasınıñ da êlekke xälenä kiterergä çaqırdı.

Ärdoğan Rusiya belän mädäniyat häm turizm tarmağındağı mönäsäbätlärne  tağın da üsterergä teläwlären assızıqlap,”Ağımdağı yılnıñ 9 ayında ilebezgä 4 millionnan kübräk Rusiya turistı kilde. 2019 nçı yılnıñ ike yaqlı bularaq mädäniyat yılı itep iğ’lan itelüe bu yünäleştäge tırışlıqlarıbızda möhim rol’ uynayaçaq”dide.

Törkiyä ilbaşı oçraşuda regional’ häm xalıqara mäs’älälärneñ dä kön tärtibendä buluın belderde.

 Saqlanu tarmağında yasalaçaq urtaq adımnarğa zur ähämiyät birüen beldergän Törkiyä ilbaşı Räcäp Tayyip Ärdoğan qunaqçıllıq öçen Rusiya Federaśiyäse däwlät başlığı Vladimir Putin häm başqa räsmi zatlarğa räxmätlären citkerde.

Vladimir Putin isä ike yaqlı mönäsäbätlärneñ 2015 nçe yıldağı oçqıç krizisınnan êlekke däräcägä citüen häm monıñ iñ möhim kürsätkeçeneñ ike il arasındağı säwda külämeneñ artışı buluın belderde.

Putin Törkiyädän awıl xucalığı tovarları importlawnıñ qabat başlanuın ,qalğan çikläwlärne beterü belän bäyle êşçänleklärneñ dä Soçidağı oçraşuda qaraluın citkerde.

Rusiya Federaśiyäse däwlät başlığı ênergiya mäs’äläsendä dä ike il räsmi zatlarınıñ fikerlären tıñlawların ,strategik xezmättäşlekneñ qaraluın , “Törek ağımı” häm “Akkuyu” atom - töş stanśiyäse proyektlarındağı sonğı wäzğiyät’neñ qaraluın belderde.

Vladimir Putin Ärdoğan belän Süriyä krizisın çişü mäs’äläsen bu ilneñ möstäqil’lege häm cir bötenlege qısasında qarawlarına basım yasadı,regional’ problemalar xaqında fiker alışuların citkerde.

 Rusiyä Federaśiyäse däwlät başlığı Vladimir Putin ike il citäkçeläre oçraşularınıñ daimi xälgä kilüen ,oçraşu-söyläşülarneñ bik uñay atmosferada uzuın belderde häm üz çığışın Törkiyä ilbaşı Räcäp Tayyip Ärdoğanğa räxmat äytep tämamladı.  



Bäyläneşle xäbärlär