Yıldırım: “Söyläşü bik näticäle uzdı”

Binali Yıldırım Mayk Pens belän oçraşunı bäyäläde

Yıldırım: “Söyläşü bik näticäle uzdı”

Amerika Quşma Ştatlarına säfär yasawçı Törkiyä Premyer-ministr Binali Yıldırım N’yu-Y orkka kitkän çaqta oçqıçta matbuğat wäkillärenä Amerika Quşma Ştatları viśe-prezidentı Mayk Pens belän ütkärgän söyläşüne bäyäläde.

Yıldırım Amerika Quşma Ştatları viśe-prezidentı Mayk Pens belän söyläşüneñ bik näticäle uzuın belderep: "Samimi häm döres itep ber-berebez belän problemalarıbıznı söyläştek. İke yaqlı mäs’älälärebezne, regional’ mäs’älälärne quzğattıq”, - dip äytte.

Premyer-ministr Yıldırım: İke yaqlı mäs’älälärdä ike il arasında soñğı waqıtta mönäsäbätlärdä barlıqqa kilgän naçarayunıñ ni Törkiyägä, ni dä Amerika Quşma Ştatlarına faydası buluın, beznen motlaq räweştä säyäsätçelär bularaq, ilne citäkläwçelär bularaq, tağın da kübräk cawaplılıq alıp, mönäsäbätlärgä zıyan birüçe wazğiyätlärneñ kön tärtibennän çığarıluınıñ zarurlığın belderdek”, - dip äytte.

Söyläşü belän bäyle bularaq Ministrar Kabinetınnan yasalğan belderüdä isä: "Söyläşü waqıtında “FETÖ” atamanınıñ qulğa alınıp ilebezgä qaytarıluı, êşçänlegeneñ beterelüe taläbebez qabat telgä alındı. N’yu-Yorkta alıp barılğan häm mönäsäbätlärgä zarar birgän mäxkämä êşendäge güyä dälillärneñ yalğan buluı, qanunnarğa turı kilmägän ısullar belän cıyıluı xäterlätelde”, - dip äytelde.

Terrorçılıqqa qarşı köräş belän bergä ike yaqlı mönäsäbätlär häm regional’ mäs’älälär quzğatıldı, “YPG” terror oyışmasına qoral birelüe mäs’äläsendä toyğan tınıçsızlığıbız häm yärdämneñ beterelüe yünäleşendäge kötkännärebez citkerelde.

Belderüdä taraflarnıñ ike il arasındağı nigezle berlektäşlek mönäsäbätläreneñ häm strategik urtaqlıqnıñ möhimlegenä basım yasawı häm bu söyläşüneñ ike yaqlı mönäsäbätlärdä, ike dus häm berlektäş il bulğan Törkiyä häm Amerika Quşma Ştatları arasında konstruktiv dialog nigezendä yaña säxifä açıluı telägendä berläşüe assızıqlandı.

Yıldırım-Pens oçraşuı belän bäyle bularaq Aq Yorttan da bäyäläw yasaldı.

İke il arasında “yaña säxifä açıluına forsat buluınıñ ömet itelüe” assızıqlanğan yazma belderüdä:

"Amerika Quşma Ştatları viśe-prezidentı Mayk Pens häm Premyer-ministr Binali Yıldırım Aq Yorttağı söyläşüe waqıtında Törkiyä belän Amerika Quşma Ştatları arasında däwam itüçe strategik urtaqlıqnı rasladı.

İke lider bu söyläşüneñ Törkiyä-Amerika Quşma Ştatları mönäsäbätlärendä yaña säxifä açuğa forsat buluına qağılışlı ömetlären belderde häm ike yaqlı mönäsäbätlärdä konstruktiv dialog ixtıyacı mäs’äläsendä kileşte”, - dip äytelde.

Yaqın Könçığıştağı totrıqlılıqnıñ häm iminlekneñ Amerika Quşma Ştatları belän Törkiyäneñ urtaq mänfäğätenä buluı assızıqlanğan belderüdä bu maqsatqa ireşelüe öçen xökümätlärara kiñäşmälärneñ arttırıluı qararına kilenüe citkerelde.

Belderüdä: “Viśe-prezident Pens Törkiyäneñ global’ iminlekkä häm “DEAŞ” belän köräşügä kertkän öleşe uñayınnan Prem'yer-ministr Yıldırımğa räxmätlären belderde, Pens Amerika Quşma Ştatlarınıñ “PKK” belän häm başqa terror yanawları belän köräştä Törkiyäneñ yanında buluına da basım yasadı”, - dip äytelde.



Bäyläneşle xäbärlär