İlbaşı Ärdoğan “TRT”dä sorawlarğa cawap birde

Törkiyä İlbaşı Räcäp Tayyip Ärdoğan Däwlät başlığı wazıyfasındağı öçençe yılın turıdan-turı êfirda bäyäläde

İlbaşı Ärdoğan “TRT”dä sorawlarğa cawap birde

“TRT” maxsus tapşıruında jurnalist Oğuz Haksävärneñ sorawlarına (soraularına) cawap birüçe Ärdoğan M’yanmada yäşängän waqiğalar (waqıyğalar) belän bäyle bularaq: "Bu mäs’älägä qağılışlı bularaq bez monı kisken häm qırıs räweştä gäyeplibez. Şulay uq monıñ küzätüen Berläşkän Millätlär Oyışması belän ber rättän bäyläneşle xalıqara oyışmalar aradaşçılığı belän telgä alaçaqbız”, - dip äytte.

“TRT” maxsus tapşıruında İlbaşı Ärdoğan Törkiyäneñ dönyanıñ dürt ber yağında yärdämgä ixtıyacı bulğan illärgä bulışlıq itüenä iğtibarnı yünältte.

Dön’yada artta qalğan illärgä yärdäm mäs’äläsendä Amerikanıñ berençe, Törkiyäneñ isä ikençe buluın assızıqlawçı Ärdoğan: "Xäzerge waqıtta äz keremle illärgä yök oçqıçları belän, köymälär belän azıq-tölek, daru, kiyem-salım, härtörle yärdämne cibäräbez. Menä, äytik,  Fälästin, Ğazzä. Biregä yärdämnärebezne cibäräbez, cibärergä däwam itäçäkbez, çönki Törkiyägä kileşä torğanı da näq menä şuşıdır”, - dip äytte.

Räcäp Tayyip Ärdoğan, Qatar belän qayber ğaräp illäre arasındağı krizisnıñ Qorban bäyrämendä beterelüeneñ zarurlığına da basım yasap: “"Xac qılınğan şuşı çorda iñ êlek Soğud Ğäräbstanı patşası Sälmannan telägebez şuşı (yäşe yağınnan da bezdän olıraq, Farsı qultığınıñ abıysı wazğiyätendä): aldıbızda Qorban bäyräme bar, monnan arı Farsı qultığında bu qıyınlıq betsen”, - dip äytte.

 

 

Törkiyä İlbaşı İzrailneñ Äl-Aqsa mäçeten qamaw astına aluı mäs’äläsendä isä wazğiyätneñ tulısınça tınıçlanmawın belderde.

Äl-Aqsa mäçetendä yäşängän waqiğalar (waqıyğalar) waqıtında İzrail belän diplomatik êlemtälär buluına häm waqiğalarnıñ (waqıyğalarnıñ) kübäyep kitmäwenä iğtibarnı yünältüçe Ärdoğan "Diplomatiya ni qadär rol’ aldı?" digän sorawğa awırlıqlar yäşängän çorda tığız söyläşülärneñ ütkärelüen äytte.

Fälästin İlbaşı Mäxmüt Abbas, İzrail Däwlät başlığı Reuven Rivlin häm Yordaniya patşası 2nçe Abdullah belän söyläşülär uzdırıluın xäterlätüçe Ärdoğan: "Böten şuşı barış êşne tulısınça kiresenä äyländerde häm xäzerge sawlıqlı torışqa cittek. Fäqät, älbättä, “bu êş tulısınça bette”, - dip äytä almıym, här mizgeldä, qaydan häm niçek anısın belmim, şartlap çığa ala. Netanyahu belän bergä härkem şunı belergä tiyeş: bu Haräm-i Şärif – öç dinneñ ixtiramlı urını häm berkem dä “bu minem, biregä möselmannar kerä almas” kebek totışta bula almıy”, - dip assızıqlap äytep uzdı.

Tapşıru barışında Afrika illärenä yasalğan säfärlär belän möhim adımnarnıñ yasaluı häm bu illärgä qağılışlı iniśiativanıñ tormışqa aşırıluınıñ telgä alınuı uñayınnan da Ärdoğan: "Wazıyfağa başlağan çaqta Afrikada bezneñ 12 ilçelegebez bar ide, xäzer isä 39 ilçelegebez bar. Maqsat – böten Afrikada ilçeleklärebezne tözü. Bu mäs’älädä dä Tışqı êşlär ministrlığı êşçänlegen alıp bara. Afrika belän Törkiyäneñ härtörle ölkädä teläktäşlege, yärdämläşüe däwam itkän oçraqta êkspluataśiyäläw mäydanı bularaq qullanılğan Afrikanıñ üz cayına salınaçağına ışanam”, - dip äytte.



Bäyläneşle xäbärlär