Törkiyä häm Ukraina arasında êçke pasport belän säyäxät

Törkiyä belän Ukraina arasında çit il pasportı bulmıy torıp ta säyäxät itü mömkinlege 1nçe iyün’ könne räsmi räweştä (räveştä) başladı

Törkiyä häm Ukraina arasında êçke pasport belän säyäxät

Törkiyägä Ukrainanıñ yaña êçke pasportı (şäxes tanıqlığı) belän kilgän Ukraina törkeme utırğan berençe oçqıç Änkara Äsänboğa hawa mäydanına töşte.

Biredä oyıştırılğan tantanada çığış yasawçı Ukrainanıñ Änkara tulı wäqalätle ilçese Andrey Sibixa 14nçe martta qul quyılğan kileşüneñ atnakiçen ğamälgä kerüen häm êçke pasport belän Törkiyägä säyäxätneñ başlawı uñayınnan şat buluın belderde.

Bu säfärneñ tarixi üzençälekkä iyä buluın häm ike il arasındağı strategik urtaqlıqnı isbatlawın assızıqlawçı Sibixa: "Uzğan yılda Ukrainadan Törkiyägä ber millionnan kübräk turist kilde. Törkiyädän Ukrainağa isä 200 meñnän kübräk turist kitte. Şuşı kileşü näticäsendä bıyıl bu sanda 30% artış kötäbez”, - dip äytte.

Ukraina êçke pasportı belän Törkiyägä kilgän berençe törkemdä bulğan ukrain jurnalistı Olga Vdovenko da berençe törkemdä urın aludan bik şat buluın, Törkiyägä moñarçı da kilüen belderep, ukrainalılarnıñ Törkiyägä häm alış-bireş häm dä yal öçen kilergä yaratuın äytte.

Änkarada 14nçe martta imzalanğan häm ike il watandaşlarınıñ ike yaqlı qısqa waqıtlı säyäxätläreneñ ciñeläytelüen täşviq itüne maqsat itkän kileşügä kürä, Törkiyä häm Ukraina watandaşları säyäxätlärendä 180 kön êçendä cämğise 90 könne uzdırmaw şartı belän taraf ilgä kerep çığa alaçaq, bu ildän tranzit uza alaçaq.



Bäyläneşle xäbärlär