İslam uyınnarı İstanbulda uzaçaq

Törkiyäneñ Yäşlär häm sport ministrı Akif Çağatay Kılıç 2021nçe yılda uzaçaq 5nçe İslami Teläktäşlek uyınnarınıñ İstanbulda oyıştırılaçağın äytte.

4nçe İslami Teläktäşlek uyınnarı Azärbaycan başqalası Baqıda 2017nçe yılnıñ 12-22nçe may könnärendä uzaçaq.

Azärbaycan başqalası Baqığa kitkän ministr Kılıç: “Azärbaycanda İslami teläktäşlek uyınnarı öçen xäzerleklärneñ iñ yuğarı däräcädä çınğa aşırıluı bezne şatlandıra,” – dide.

Törkiyä dä qatnaşuçısı bulğan İslami teläktäşlek uyınnarı - İslam Konferenśiyase oyışmasına äğza bulğan illär qatnaşında 4 yılda ber tapqır oyıştırıluçı kiñ qırlı sport çarasıdır. İslami teläktäşlek uyınnarı Federaśiyase - İslam teläktäşlek uyınnarınıñ yünäleşe häm kontrolennän cawaplı bulğan oyışma. Äğza illärdä möselman bulmağan watandaşlarnıñ da uyınnarda qatnaşuına röxsät birelä.

İslami teläktäşlek uyınnarı berençe itep 2005nçe yılda Soğud Ğaräbstanında oyıştırıldı.

Soñğı itep Uyınnar isä 2013tä İndoneziyada uzdı.