“Törkiyä belän aralarında Berlin divarı qoralar”

 Törkiyäneñ Awrupa Berlege êşlärennän cawaplı ministrı häm baş söyläşüçe Ömär Çälik Germaniyanıñ Törkiyä belän arasında Berlin divarı tözüen belderde.

“Anadolu” agentlığı tapşıruında qatnaşqan Ömär Çälik Törkiyä ministrlarınıñ referendum belän bäyle Germaniyadağı çaralarınıñ ğamäldän çığarıluına reakśiya belderde.

Ministr krizisnı” Şöbxäsez bu bik awır krizis” dip bäyäläde.

Cıyılışlar ütkärüne totqarlawdan cirle citäkçeleklär tügel, xökümätneñ cawaplı buluın beldergän Çälik: “Sistemalı räweşta totqarlaw turında süz bara. Törkiyä belän aralarında Berlin divarı qoralar. Ämma bu êş monda betmi”,-dide.

Ömär Çälik Törkiyäneñ Awrupa Berlegenä äğzalığı belän bäyle üzenä “Törkiyä haman da Awrupa Berlege äğzası bulırğa telime?”digän soraw birelüen belderep bu xaqta  tübändägelärne citkerde:

”Biredä Awrupa süze bik möhim. Nindi Awrupa turında süz bara? Törkiyä säyäsi qimmätlärgä nigezlängän, keşe xoquqları häm demokratiya mäs’äläsendä ikelätä standartlardan arındırılğan, tınıçlıq häm totrıqlılıq proyektı bulğan Awrupanıñ ber öleşe bulırğa teli”.