Qunaq ministr Anıtkabergä bardı

Törkiyäneñ tışqı êşlär ministrı Mäwlüt Çavuşoğlu PKK terror oyışmasınıñ atna azağında Belgiya başqalası Brüsselda ütkärgän güya kongressında PYDneñ dä qatnaşuın belderep: “Bu ikeseneñ PYD häm PKKnıñ ber-bersennän ayırılıp tormawın bez bolay da äytä idek. Kürergä teläwçe härkem güya kongressta PKK häm PYDnıñ ayırmalı bulmawın açıq räweştä kürde,” - dide.

Çavuşoğlu räsmi säfär belän Törkiyägä kilgän Angliyaneñ tışqı êşlär ministrı Boris Djonson belän matbuğat oçraşuı oyıştırğan.

Çığışında Süriyädä “DEAŞ” terror oyışmasına qarşı köräştä PYD belän xezmättäşlekneñ başqarıluın tänqitlägän Çavuşoğlu terrorçığa qarşı başqa terrorçı belän xezmättäşlek başqarunıñ xıyanät buluın citkerde.

Yäşeren oyışma bulğan Fätullahçı terror oyışması/parallel’ däwlät qorılışına qarşı citdi totış kürsätü zarurlığın beldergän Djonson Törkiyäneñ bu oyışma belän bäyläneşe bulğan keşelärneñ bilgelänüenä qarağan taläbe mäs’äläsendä qullarınnan kilgänne başqaraçaqların äytte.

İngliz ministrı irtänge säğatlärdä Anıtkabergä bardı.

Atatörek mavzoleyına çäçäk quyıp, 1 minutlıq tın alğan Djonson soñınnan Misak-ı Milli nığıtmasına barıp, Anıtkaber maxsus däftären imzaladı.