Tatar xalqı İlhamı belän xuşlaşa

Legendar şäxesne soñğı yulğa ozatu urını häm waqıtı bilgele

Tatar xalqı İlhamı belän xuşlaşa

Tatar cämäğat’çelege zur yuğaltu kiçerä. Millionnarnıñ yaratqan cırçısı, legendar şäxes İlham Şakirov ozaqqa suzılğan köçle awırudan soñ kiçä mäñgelekkä küzlären yomdı. Aña 84 yäş’ ide.

Tatar-inform mäğ’lümat agentlığı xäbär itkänçä, xalqıbıznıñ böyek şäxese belän xuşlaşu comğa könne Qazannıñ Musa Cälil isemendäge opera häm balet teatrında bulaçaq. Cırçını soñğı yulğa ozatırğa säğat’ irtänge 9dan kilergä mömkin. Räsmi cenaza çarası 11 säğat’tä başlana häm 12gä qadär däwam itä. 12 säğat’ 45 minutta isä Märcani mäçete qarşında cenaza namazı uqılaçaq.

İlham Şakirov Qazannıñ Yaña Bistäsendäge tatar ziratında cirlänäçäk.



Bäyläneşle xäbärlär