Üzbäkstän - Tacikstan çigen minalardan çistartalar

Üzbäkstan alarnı Tacikstandağı 1992nçe-1997nçe yıllardağı watandaşlar suğışınnan soñ tezep çıqtı

Üzbäkstän - Tacikstan çigen minalardan çistartalar

Üzbäkstän häm Tacikstan ike aradağı çikkä 20 yıl êlek quyılğan minalarnı çistarta başladı.

Tacikstan çik sağı berlekläre süzçese Möxämmät Uluğxocayev beldergänçä, bu êş belän urtaq törkem şöğıl’länä. Xäzer Tacikstannıñ Panjikent häm Üzbäkstannıñ Sämärkand töbäkläre çigen çistartalar.

Uluğxocayev minadan çistartu êşläreneñ möhimlegen assızıqlıy. Bu êşne 2019nçı yıl axırına qadär tamamlarğa planlaştıralar.

Üzbäkstan ilbaşı Şäwkät Mirzizoyev häm Tacikstan däwlät başlığı İmamali Raxman mart ayında çik buyındağı minalarnı çistartu turındağı kileşüne imzaladı. Monı başqaru öçen maxsus törkem aprel’ ayında tözelde.

İke däwlät arasındağı 9,5 kvadrat kilometrlıq mäydanğa mina quyıluı farazlana. Üzbäkstan alarnı Tacikstandağı 1992nçe-1997nçe yıllardağı watandaşlar suğışınnan soñ qanunsız qorallı törkemnär häm narkotik satuçılarnıñ ilgä kerüenä çik quyu öçen tezep çıqtı.  



Bäyläneşle xäbärlär