Qırğızstanda êtno şähär açıldı

Çara 3nçe Bötendön’ya küçmä uyınnarı qısalarında oyıştırıldı

gocebe oyunlari.jpg
gocebe oyunlari kirgizistan.jpg

Qırğızstanda 3nçe Bötendön’ya küçmä uyınnarı qısalarında êtno şähär açıldı. Çara Kırçın cäyläwendä oyıştırıldı. Êtno şähärdä 500dän artıq çatır qorılğan. Anın açılışın Qırğızstan ilbaşı Sooronbay Cäänbäkov yasadı. Tantanada sänğat’çelär häm uquçılardan toruçı küpsanlı aktyerlar törkeme qatnaştı. Alar “Küçmä xalıqlarnıñ altın däwere” isemle teatral’läşterelgän tamaşa kürsätte. Anda qırğızlarnıñ tarixın häm küçmä tormıştağı yolalarnı säxnäläşterdelär.

İlbaşı Cäänbäkov 3nçe Bötendön’ya küçmä uyınnarınıñ yuğarı däräcädä ütüe öçen yärdäm itkän xalqına häm oyıştıruçılarğa räxmäten belderde. Açılışta törki däwlätlärneñ liderları  - Törkiyä ilbaşı Räcäp Tayyip Ärdoğan, Qazaqstan däwlät başlığı Nursoltan Nazarbayev, Tatarstan ilbaşı Röstäm Minnexanov ta qatnaştı.

 Cäänbäkov beldergänçä, küçmä mädäniyät fälsäfäsen üsterü öçen uyınnarnıñ dürtençesen Törkiyädä ütkärü täq’dime bar. Monıñ öçen ilbaşı Räcäp Tayyip Ärdoğan bulışlıq kürsätergä ışandırğan.  



Bäyläneşle xäbärlär