Üzbäkstan 17 yıldan soñ qabat törki illär şurasında

Üzbäkstän ilbaşı Şäwkät Mirziyoyev şuranıñ däwlät başlıqları sammitına kiläçägen xäbär itte

Üzbäkstan 17 yıldan soñ qabat törki illär şurasında

Üzbäkstan 17 yıldan soñ qabat Törki teldä söyläşüçe illär xezmättäşlege şurası cıyılışında qatnaşaçaq. Çara irtägä Qırğızstanda ütä. Üzbäkstän ilbaşı Şäwkät Mirziyoyev şuranıñ däwlät başlıqları sammitına kiläçägen xäbär itte.

Sammitnıñ 2000nçe yılda Azärbaycanda ütkän cıyılışına Üzbäkstan ilbaşı däräcäsendä qatnaşqan ide. 2001nçe yıldağısına isä parlament räise kilde.  

Sammit 5 yıl tänäfestän soñ 2006nçı yılda Antaliyada oyıştırıldı. Üzbäkstan tarafı anda qatnaşmawnı östen kürde. Şuranıñ şunnan soñğı çaralarında älege däwlät yuq ide.

Şäwkät Mirziyoyev ilbaşı wazıyfasına kereşkännän soñ Üzbäkstan - Törkiyä mönäsäbätläre üseştä. Bu waqıt êçendä ike yaqtan da yuğarı däräcäle räsmi säfärlär tormışqa aşırıldı.

İlbaşı Räcäp Tayyip Ärdoğannıñ 2016nçı yılda häm bıyıl, Mirzizoyevnıñ isä uzğan yıl oktyabr’ ayında yasağan zıyärätläre Üzbäkstannıñ şurağa qabat kerüe mäs’äläsendä möhim êtap buldı.



Bäyläneşle xäbärlär